भाजप तर्फे आयोजित सेवा पंधरवड्यात आरोग्य, स्वच्छता, पर्यावरण आणि जनजागृतीचा संगम…

• भाजप तर्फे आयोजित सेवा पंधरवड्यात आरोग्य, स्वच्छता, पर्यावरण आणि जनजागृतीचा संगम…

भाजप वणी विधानसभा कडून ‘राष्ट्रनेता ते राष्ट्रपिता सेवा पंधरवाडा’ उपक्रमांची मालिका जाहीर…

पंतप्रधान नरेंद्र मोदी यांच्या वाढदिवसानिमित्त भारतीय जनता पार्टीतर्फे दरवर्षी ‘सेवा पंधरवाडा’ साजरा केला जातो. यावर्षी १७ सप्टेंबर ते २ ऑक्टोबर २०२४ या कालावधीत ‘राष्ट्रनेता ते राष्ट्रपिता सेवा पंधरवाडा’ विविध सामाजिक व उपयुक्त उपक्रमांद्वारे वणी विधानसभा क्षेत्रात मोठ्या उत्साहात साजरा होणार असल्याची माहिती वणी येथील विश्रामगृहात भाजपतर्फे आयोजित पत्रकार परिषदेत देण्यात आली.

या कालावधीत नागरिकांच्या आरोग्य, स्वच्छता, पर्यावरण, सामाजिक बांधिलकी आणि जनजागृतीशी संबंधित अनेक उपक्रम आयोजित करण्यात आले आहेत. यामध्ये मोफत आरोग्य शिबिरे, नेत्रतपासणी, स्वच्छता मोहिमा, आयुष्मान भारत कार्ड मोहीम, वृक्षारोपण, जनजागृती रॅली तसेच पंडित दीनदयाल उपाध्याय, महात्मा गांधी आणि लाल बहादूर शास्त्री यांच्या जयंतीनिमित्त विशेष कार्यक्रमांचा समावेश आहे.

 ठळक कार्यक्रम व त्यांची ठिकाणे…

१७ सप्टेंबर (बुधवार):

बाजोरिया लॉन, वणी येथे सकाळी ९ वाजेपासून सायंकाळी ५ वाजेपर्यंत भव्य महाआरोग्य शिबीर. यामध्ये ई.एन.टी., दंतचिकित्सक, फिजिशियन, ऑर्थोपेडिक, नेत्रतज्ज्ञ यांच्यासह विविध तज्ञ डॉक्टरांची तपासणी मोफत केली जाणार आहे.

संयोजक- एड.कुणाल चोरडिया…

२० सप्टेंबर (शनिवार):

जैताई मंदिर, वणी येथे सकाळी १० वाजता नेत्रतपासणी शिबीर. नागरिकांच्या दृष्टीसंबंधी समस्या तपासून आवश्यक मार्गदर्शन केले जाईल.

२१ सप्टेंबर (रविवार):

वणी शहर व ग्रामीण भागात मोठ्या प्रमाणावर स्वच्छता अभियान. बसस्थानक, ग्रामीण रूग्णालय,सार्वजनिक ठिकाणे, शाळा-मंदिर परिसर याठिकाणी भाजप कार्यकर्ते व नागरिक एकत्रित येऊन स्वच्छता मोहीम राबवतील.

२२ सप्टेंबर ते २ ऑक्टोबर:

आयुष्मान भारत कार्ड अभियान – वणी शहरातील १४ प्रभागांमध्ये तसेच शहरी व ग्रामीण दुर्गादेवी मंडळांमध्ये नागरिकांना निःशुल्क आयुष्मान भारत कार्ड उपलब्ध करून दिले जाईल.

२५ सप्टेंबर (गुरुवार):

सकाळी ९ वाजता पंडित दीनदयाल उपाध्याय जयंती प्रत्येक बुथवर विविध कार्यक्रमांनी साजरी होईल.

सकाळी १० वाजता ‘एक पेड़ माँ के नाम अभियान’ अंतर्गत शाळा तसेच शासकीय कार्यालयात वृक्षारोपण केले जाईल.

शहर व ग्रामीण भागात वोकल फॉर लोकल अभियान राबवून स्थानिक उत्पादनांना प्रोत्साहन दिले जाईल.

दुपारी १२ वाजता एस.बी.लॉन येथे भाजप कार्यकर्ता मेळावा आयोजित केल्या जाईल,तसेच कार्यक्रमात बाप्पा माझा स्पर्धेच्या विजेत्यांना बक्षीस वितरण केल्या जाईल…

२ ऑक्टोबर (गुरुवार):

महात्मा गांधी व लाल बहादूर शास्त्री यांच्या जयंतीनिमित्त सकाळी ६ वाजता स्वच्छता अभियान तसेच जनजागृती कार्यक्रम.

सकाळी १० वाजता राष्ट्रपिता महात्मा गांधी आणि लालबहादूर शास्त्री यांच्या प्रतिमेस माल्यार्पण करून पंधरवाडा समारोप कार्यक्रम घेण्यात येईल…

स्थळ- बसस्थानक जवळील भाजपचे संपर्क कर्यालय…

✨ कार्यक्रमाचे उद्दिष्ट

भाजप वणी विधानसभा मंडळाचे पदाधिकारी यांनी सांगितले की, या उपक्रमांद्वारे समाजातील सर्वसामान्यांपर्यंत सेवा पोहोचवणे, पर्यावरण संवर्धन, स्वच्छता जनजागृती, आरोग्य तपासणी व केंद्र सरकारच्या योजनांचा लाभ नागरिकांपर्यंत पोहोचवणे हे प्रमुख उद्दिष्ट आहे.

🗣️ नेत्यांचे आवाहन

वणी विधानसभा क्षेत्रातील सर्व नागरिकांनी मोठ्या संख्येने सहभागी होऊन ‘राष्ट्रनेता ते राष्ट्रपिता सेवा पंधरवाडा’ यशस्वी करावा, असे आवाहन भाजपचे पदाधिकारी व आयोजकांनी केले आहे.

या पत्रकार परिषदेला माजी आमदार संजीव रेड्डी बोदकुरवार,माजी नगराध्यक्ष तारेंद्र बोर्डे, माजी जिल्हा परिषद सदस्य विजय पिदुरकर भाजप उपजिल्हाध्यक्ष संजय पिंपळशेंडे, कुणाल चोरडिया,

शहर अध्यक्ष निलेश चौधरी तसेच वरिष्ठ नेते महादेव खाडे,अरूण कावडकर,अनुप राठी,मयुर गोयनका सोबत अनेक भाजप पदाधिकारी व कार्यकर्ते उपस्थित होते…