वणी तालुक्यातील निलजई तरोडा येथील जी.आर.एन. कंपनीतील काही कामगार(जे मागील १५ वर्षांपासून भाजपचे कार्यकर्ते आहेत असा त्यांचा दावा आहे)अन्याय आणि अत्याचाराच्या तक्रारी घेऊन शिवसेना (उद्धव बाळासाहेब ठाकरे) पक्षाचे आमदार संजय दरेकर यांच्या भेटीला गेले.मदतीची अपेक्षा होती…
पण मदतीच्या ऐवजी “दुपट्टा-फोटो राजकारण” झालं, अशी चर्चा सध्या चांगलीच रंगली आहे!
कामगारांच्या मते — “आम्ही अन्यायाविरुद्ध आवाज उठवण्यासाठी आमदार दरेकर यांच्याकडे गेलो. त्यांनी आम्हाला मार्गदर्शनही केलं, पण त्याच वेळी आमच्या गळ्यात पक्षाचे दुपट्टे घालून फोटो काढला आणि तो फोटो वायरल करत आम्ही उबाठा शिवसेनेत प्रवेश केला असल्याची घोषणा केली!”
📸 तो फोटो सोशल मीडियावर वाऱ्यासारखा पसरताच कामगारांमध्ये संताप उसळला. त्यांनी तत्काळ स्पष्ट केलं की — “आम्ही कोणत्याही पक्षात प्रवेश केलेला नाही, आम्ही फक्त आमच्या हक्कांसाठी मदत मागायला गेलो होतो.”
यानंतर हेच कामगार भाजपचे माजी आमदार संजीव रेड्डी बोदकुरवार यांच्या घरी गेले आणि त्यांनी पुन्हा भाजपमध्ये परत प्रवेश केला.
माजी आमदार संजीव रेड्डी बोदकुरवार यांनी यावर भाष्य करताना ठामपणे सांगितलं की,कामासाठी आलेल्यांवर राजकारण करणं योग्य नाही. लोक मदतीसाठी येतात, त्यांना पक्षाचा भाग बनवणं ही चुकीची पद्धत आहे. असं घडलं, ते निंदनीय आहे.”
भाजप नेते दीपक जेऊरकर यांनीही दरेकर यांच्यावर अप्रत्यक्ष टीका करत सांगितलं
“माजी आमदार बोदकुरवार यांच्या घरी अनेक जण कामानिमित्त येतात, पण त्यांनी कधी कोणालाही दुपट्टा घालून फोटो वायरल केले नाहीत. हे कामगार 15 वर्षांपासून भाजपसोबत आहेत, आणि पुढेही राहतील.”
आता गावात चर्चेचा विषय एकच —“कोणी नेत्यांकडे कामासाठी गेलं, की लगेच दुपट्टा घालून फोटो काढा आणि बोला — ‘त्याचा पक्षात प्रवेश झाला!’”
राजकारणातली ही “फोटो एंट्री पॉलिटिक्स” सध्या वणी परिसरात चर्चेचा केंद्रबिंदू ठरली आहे.
कामगार मात्र स्पष्ट सांगतायत — “आम्हाला पक्ष नाही, न्याय हवा आहे!”
कामगारांच्या पक्ष प्रवेशाप्रसंगी शहर अध्यक्ष निलेश चौधरी,बालाजी भेदोडकर,हितेन अटारा,वैभव सूर, समवेत अनेक कार्यकर्ते उपस्थित होते…
सिटी हब मीडिया…
