दामले फैल येथे आत्महत्येची खळबळजनक घटना,वणी शहरातील दामले फैल परिसरात एक हृदयद्रावक घटना घडली असून, संतोष वाढाई (वय ४०) यांनी गळफास घेऊन आत्महत्या केल्याची माहिती मिळाली आहे. विशेष म्हणजे त्यांच्या चिमुकल्या मुलानेच वडिलांना फाशीवर लटकलेले पाहिले आणि ओरडत घरच्यांना याची माहिती दिली.
घरच्यांनी तत्काळ संतोष वाढाई यांना खाली उतरवून दवाखान्यात नेले असता, डॉक्टरांनी त्यांना मृत घोषित केले. मृत संतोष वाढाई हे मजुरीचे काम करत होते. त्यांच्या मागे पत्नी, एक लहान मुलगा, भाऊ आणि आई असा आप्तपरिवार आहे.
या घटनेने दामले फैल परिसरात मोठी खळबळ उडाली असून, शेजाऱ्यांमध्ये हळहळ व्यक्त केली जात आहे. आत्महत्येचे नेमके कारण अद्याप स्पष्ट झालेले नाही. संतोष वाढाई यांचे पार्थिव ग्रामीण रुग्णालयात शवविच्छेदनासाठी पाठविण्यात आले असून, वणी पोलिस या प्रकरणाचा पुढील तपास करीत आहेत.
सिटी हब मिडिया वणी…
