सिटी हब मीडिया | वणी
वणी नगरपरिषद निवडणुकीच्या पार्श्वभूमीवर भारतीय जनता पक्षातर्फे प्रभाग क्रमांक ३ मधून भाजप वणी शहर उपाध्यक्ष सत्यजीत दीपक ठाकुरवार यांनी अधिकृतपणे नगरसेवक पदासाठी उमेदवारीची मागणी केली आहे.
३६ वर्षीय सत्यजीत ठाकुरवार हे वाणिज्य विषयात पदवीधर असून, २०१४ पासून भाजपचे निष्ठावान व सक्रिय कार्यकर्ते म्हणून पक्ष संघटनात सातत्याने योगदान देत आहेत. सामाजिक आणि सार्वजनिक कार्यात सदैव आघाडीवर राहिल्यामुळे त्यांची ओळख एक तरुण, अभ्यासू आणि जनसंपर्कात कुशल कार्यकर्ता अशी निर्माण झाली आहे.
👉 राजकीय वारसा :
आजोबा स्व. विठ्ठलराव ठाकुरवार यांनी १९७१ साली वणी नगरपरिषद अध्यक्ष म्हणून कार्यभार सांभाळला होता.
आजी स्व. सौ. प्रभाताई ठाकुरवार या १९७१ साली तत्कालीन वार्ड क्र. २ (सध्याचा प्रभाग ३) मधून सलग दोनवेळा नगरसेविका राहिल्या.
काका अनिल महादेवराव ठाकुरवार यांनी राजुरा नगरपरिषदेत २००१ साली उपाध्यक्षपद भूषविले आणि सलग तीनवेळा नगरसेवक म्हणून काम केले.
काका सागर सुरेशराव ठाकुरवार हे २०१० पासून सलग तीनवेळा नगरसेवक असून सध्या नगरपरिषद गडचांदूरचे गटनेते व बांधकाम सभापती आहेत.
या ठिकाणी ठाकुरवार कुटुंबाचा जनसेवेचा आणि स्थानिक राजकारणातील वारसा दीर्घ आहे. सत्यजीत ठाकुरवार हे त्या परंपरेचा वारसा पुढे नेत, भाजपच्या विचारसरणीशी निष्ठा ठेवत समाजहितासाठी काम करत आहेत.
भाजपच्या तिकिटासाठी अर्ज दाखल करताना त्यांनी सांगितले की,
“वणीतील जनतेने आणि भाजप कार्यकर्त्यांनी दिलेल्या विश्वासाच्या जोरावर प्रभाग ३ मध्ये जनसेवा करण्याची संधी मिळावी हीच अपेक्षा आहे. माझं ध्येय आहे — विकास, पारदर्शकता आणि नागरिकांसाठी सहज उपलब्ध प्रशासन.”
वणी नगरपरिषद निवडणुकीत आता भाजपकडून प्रभाग ३ मध्ये कोणाला तिकिट मिळते याकडे सर्वांचे लक्ष लागले आहे.
