वणीतील महिला कर्मचाऱीचा पाठलाग करून विनयभंगाचा प्रयत्न — आरोपी अटकेत
वणी (प्रतिनिधी) – वणी शहरातील भालर रोड परिसरात एका 34 वर्षीय सरकारी महिला कर्मचाऱीचा कारने पाठलाग करून विनयभंगाचा प्रयत्न केल्याची धक्कादायक घटना उघडकीस आली आहे. या प्रकरणी वणी पोलिसांनी सुनिल भाऊराव मोहीतकर (वय 55, रा. जैन लेआऊट, वणी) याच्याविरुद्ध भादंवि कलम 74, 75, 78, 87, 296, 352, 351 (2), 351 (3) BNS प्रमाणे गुन्हा नोंदविला आहे.
फिर्यादी महिला या वय 34 वर्षांच्या असून, देशमुखवाडी येथे वास्तव्यास असून आणि WCL मध्ये नोकरीस आहेत.
घटनेचा तपशील:
13 ऑक्टोबर 2025 रोजी संध्याकाळी सुमारे 6 ते 7 वाजताच्या सुमारास फिर्यादी महिला आपल्या स्कुटरवरून भालर रोडने जात असताना आरोपी सुनिल मोहीतकर हा आपल्या हेरिअर कारने तिचा वारंवार पाठलाग करत होता. त्याने रस्ता अडवून फिर्यादीला कारमध्ये बसविण्याचा प्रयत्न केला. फिर्यादीने विरोध केल्यावर आरोपीने चाकू दाखवून जीव घेण्याची धमकी दिली.
या प्रकरणी फिर्यादीच्या तक्रारीवरून पोलिसांनी तत्काळ गुन्हा दाखल करून आरोपीला अटक केली. आरोपीला न्यायालयात हजर केले असता त्यास MCR मिळाला आहे.
या घटनेचा पुढील तपास सपोनि प्रियांका चौधरी (पोलीस स्टेशन वणी) या करत असून, प्रकरण गंभीर स्वरूपाचे असल्याने अधिक चौकशी सुरू आहे.
