वणी नगर परिषद निवडणुकीसाठी भाजपची जोरदार तयारी — शहराध्यक्ष एड. निलेश चौधरी यांच्या नेतृत्वाखाली नियोजन बैठक पार पडली.
स्थानिक स्वराज्य संस्थांच्या निवडणुकीसाठी भारतीय जनता पार्टीने जोरदार तयारीला सुरुवात केली आहे. शहराध्यक्ष अॅड. निलेश माया महादेव चौधरी यांच्या नेतृत्वाखाली सर्व प्रभागात संघटन मजबूत करण्याच्या दृष्टीने प्रभागप्रमुख आणि सहप्रभागप्रमुखांची नियुक्ती करण्यात आली. त्यानिमित्ताने दिनांक १८ ऑक्टोबर रोजी वसंत जिनिंग, वणी येथे सहविचार सभा तथा नियोजन बैठक पार पडली.
या बैठकीत पक्षविस्ताराच्या दृष्टीने मोठा उत्साह पाहायला मिळाला. यावेळी तब्बल १०० महिला भगिनी आणि २५ पुरुष कार्यकर्त्यांनी भारतीय जनता पार्टीत जाहीर पक्षप्रवेश केला. उपस्थित मान्यवरांनी नवीन सदस्यांना पक्षाचा शेला परिधान करून स्वागत केले व आगामी निवडणुकांमध्ये पक्षशक्ती बळकट करण्याचे आवाहन केले.
बैठकीस माजी आमदार मा. श्री संजीवरेड्डी बोदकुरवार, माजी जिल्हाध्यक्ष तथा माजी नगराध्यक्ष मा. श्री तारेंद्र भाऊ बोर्डे, राज्य परिषद सदस्य तथा वरिष्ठ नेते मा. श्री दिनकर पावडे, माजी जिल्हा परिषद सदस्य व यवतमाळ जिल्हा कामगार आघाडी अध्यक्ष मा. श्री विजय पिदुरकर, जिल्हा उपाध्यक्ष मा. श्री संजय पिंपळशेंडे, मा. श्री रवी बेलुरकर, मा. श्री कुणाल चोरडिया, जिल्हा सचिव श्री संतोष डंभारे, माजी उपाध्यक्ष मा. श्री श्रीकांत पोटदुखे, मा. महादेव खाडे सर, ओबीसी मोर्चा अध्यक्ष मा. श्री पवन एकरे, सोशल मीडिया अध्यक्ष मा. श्री दिपक पाऊणकर आदी मान्यवरांसह सुमारे ३५० कार्यकर्त्यांची उपस्थिती होती.
बैठकीत आगामी नगर परिषद निवडणुकीच्या अनुषंगाने कार्यकर्त्यांना विविध सूचना व मार्गदर्शन देण्यात आले. शहराध्यक्ष अॅड. निलेश चौधरी यांनी “प्रत्येक प्रभागात घराघरात पोहोचा, कार्यकर्त्यांशी संवाद वाढवा आणि पक्षाच्या धोरणांचा प्रसार करा” असे आवाहन केले.
तसेच, १९ ते २३ ऑक्टोबर या कालावधीत नगरसेवक तसेच नगराध्यक्ष पदासाठी इच्छुक उमेदवारांनी पक्षाच्या निर्धारित अर्ज प्रक्रियेनुसार अर्ज सादर करावेत, अशा सूचना देखील देण्यात आल्या.
भाजपच्या या बैठकीतून वणी नगर परिषद निवडणुकीसाठी पक्षाने प्रभावी पावले उचलल्याचे स्पष्ट झाले असून, शहरातील राजकीय वातावरण अधिक तापण्याची चिन्हे दिसत आहेत.
📰
City Hub Media
