वणी-लालगुडा मार्गावरील जन्नत हॉटेलजवळ आज सकाळी झालेल्या भीषण अपघातात एकाच कुटुंबातील तीन मुलींसह वडिलांचा मृत्यू झाला आहे. या दुर्दैवी घटनेमुळे परिसरात शोककळा पसरली आहे.
मिळालेल्या माहितीनुसार, सकाळी सुमारे ११ वाजताच्या सुमारास भीमनगर येथील रहिवासी लालपुलिया परिसरातील मेकॅनिक रियाजभाई मिस्त्री (वय ५५) हे आपल्या मुलीला कार चालवणे शिकवत होते. स्कोडा कार (MH01-AH-5700) लियाबा (वय २०) चालवत होती. त्यांच्या सोबत आणखी तीन मुलीही गाडीत होत्या.
कार चालवताना टर्न घेत असताना कारला ट्रक (MH-40 – AK0358)जोरदार धडक दिली. या भीषण अपघातात रियाजभाई मिस्त्री, त्यांची मुलगी लियाबा, मायरा आणि अमिरा गंभीर जखमी झाले. त्यांना तात्काळ ग्रामीण रुग्णालयात नेण्यात आले असता डॉक्टरांनी सर्वांना मृत घोषित केले.
या दरम्यान लहान भावाची मुलगी, वय ४ वर्षे, हीसुद्धा जखमी झाली होती. तिला उपचारासाठी चंद्रपूरला हलविण्यात आले व नंतर नागपूरला रेफर करण्यात आले आहे…
या दुर्दैवी घटनेनंतर परिसरात हळहळ व्यक्त केली जात असून, एकाच कुटुंबावर ओढवलेला हा अनर्थ पाहून सर्वत्र शोककळा पसरली आहे.
📍City Hub Media
