वणी | शहरातील प्रसिद्ध व्यावसायिक अनुप राठी यांची वणी शहर भाजप व्यापारी आघाडी अध्यक्ष म्हणून नियुक्ती करण्यात आली आहे. ही नियुक्ती भाजप यवतमाळ जिल्हाध्यक्ष प्रफुल्ल चौहान यांच्या मान्यतेने व वरिष्ठ नेत्यांच्या मार्गदर्शनाने, शहर भाजप अध्यक्ष ऍड . निलेश चौधरी यांनी केली आहे.
अनुप राठी यांनी आपल्या नियुक्तीबाबत भाजप नेतृत्वाचे आभार मानत स्पष्ट केले की, “व्यवसायिक असल्याने माझा थेट संपर्क व्यापाऱ्यांशी व सामान्य जनतेशी असतो. त्यांच्या अडचणी, समस्या समजून घेऊन त्यावर योग्य उपाययोजना करण्याचा माझा प्रयत्न राहील. पक्षाच्या बळकटीसाठी देखील मी सतत कार्यरत राहीन.”
ते लवकरच आपल्या कार्यकारिणीची अधिकृत घोषणा करणार असल्याचेही त्यांनी यावेळी सांगितले.
अनुप राठी यांच्या नियुक्तीनंतर शहरातील व्यापारी वर्गात आनंदाचे वातावरण असून, अनेक स्तरांवर त्यांच्यावरअभिनंदनाचा वर्षाव होत आहे. त्यांच्या नेतृत्वाखाली व्यापारी आघाडी अधिक सक्षम व सक्रिय होईल, असा विश्वास स्थानिक व्यापारी व्यक्त करत आहेत.
