सिटी हब मिडिया वणी…
प्रगती नगर पाणी टाकी साफसफाई व वॉटर ATM तपासणी; प्रभाग २ मधील पाणीपुरवठा समस्यांवर तोडगा…
प्रगती नगर परिसरातील पाणीपुरवठा सुरळीत राहावा यासाठी येथील पाण्याच्या टाकीची साफसफाई तसेच व्हॉल दुरुस्तीचे काम सुरू करण्यात आले आहे. यासोबतच परिसरातील वॉटर ATM चीही सखोल तपासणी करण्यात आली.
या कामाच्या पाहणीवेळी नगरसेविका सौ. रिता महेश पहापळे महिला व बालकल्याण सभापती, जलपुरवठा सभापती तथा उपाध्यक्ष श्री. राकेश बुग्गेवार, संभा वाघमारे, अभियंता तोडसाम, राजू भोंगळे यांच्यासह नगरपरिषदेचे कर्मचारी उपस्थित होते.
प्रभाग क्रमांक दोनमधील नागरिकांना गेल्या अनेक महिन्यांपासून पाणीपुरवठ्याशी संबंधित विविध समस्यांना सामोरे जावे लागत होते. मात्र प्रशासक राजवटीच्या काळात या प्रश्नांकडे दुर्लक्ष झाल्याचे नागरिकांकडून सांगितले जात होते. आता भाजपच्या नगरसेविका सौ. रिता पहापळे यांच्या पुढाकाराने व कुशल नेतृत्वामुळे या समस्या हळूहळू मार्गी लागत असल्याचे चित्र आहे.
यावेळी बोलताना नगरसेविका सौ. रिता पहापळे यांनी येत्या पाच वर्षांत प्रभागातील बहुतांश समस्या सोडविण्याचा निर्धार व्यक्त केला. तसेच भविष्यात निर्माण होणाऱ्या नव्या समस्यांवरही वेळेत व प्रभावी उपाययोजना केल्या जातील, जेणेकरून नागरिकांना कोणत्याही प्रकारचा त्रास सहन करावा लागू नये, असे त्यांनी स्पष्ट केले.
प्रभागातील नागरिकांनी सौ. रिता पहापळे यांच्या कार्याबद्दल समाधान व्यक्त केले असून, प्रभागाच्या सर्वांगीण विकासासाठी त्या अधिक वेगाने काम करतील, अशी भावना व्यक्त केली जात असून त्यांच्या कार्याची सर्वत्र प्रशंसा होत आहे.
