मनसेचे माजी तालुका प्रमुख सूर्यभान आवारी यांचा शिवसेनेत प्रवेश…
मनसेचे माजी तालुका प्रमुख आणि पक्ष वाढीसाठी मोलाची भूमिका निभावलेले श्री. सूर्यभान आवारी यांनी पुन्हा एकदा सक्रिय राजकारणात पाऊल टाकले आहे. काही वर्षांपासून त्यांनी स्वतःला राजकारणापासून अलिप्त ठेवले होते. मात्र राज्याचे उपमुख्यमंत्री माननीय श्री. एकनाथजी शिंदे यांच्या सर्वसामान्यांसाठी असलेली आत्मीयता आणि काम करण्याची जिद्द, तसेच जिल्ह्याचे पालकमंत्री माननीय संजयभाऊ राठोड यांचे जिल्ह्यातील विकासकामातील योगदान यांमुळे प्रेरित होऊन आवारी यांनी पुन्हा राजकारणात सक्रिय होण्याचा निर्णय घेतला.
स्थानिक नेते, माजी आमदार व चंद्रपूर-यवतमाळ लोकसभा समन्वयक माननीय विश्वासभाऊ नांदेकर यांच्या नेतृत्वावर असलेला जनतेचा विश्वास आणि जनभावनेचा आदर करून आवारी यांनी आज शिवसेनेत प्रवेश केला. पक्षासाठी झोकून देऊन काम करण्याची ग्वाही त्यांनी यावेळी दिली.
हा पक्षप्रवेश सोहळा शिवसेना मध्यवर्ती कार्यालय, वणी येथे पार पडला. या प्रवेशामुळे विधानसभा क्षेत्रातील शिवसेनेला आणखी बळ मिळणार असल्याचे बोलले जात आहे.
