वणीतील शिवसेना शिंदे गटाचे नेते व माजी आमदार विश्वास नांदेकर यांच्या नेतृत्वाखाली पक्ष विस्ताराला मोठा वेग आला आहे. त्यांच्या मार्गदर्शनाखाली विजय चोरडिया यांच्या संघटन कौशल्यामुळे शिवसेना शिंदे गटात इन्कमिंगची लाट सुरू असून, आजही विविध भागांतील कार्यकर्त्यांनी मोठ्या संख्येने पक्षात प्रवेश केला आहे.
अलीकडेच विजय चोरडिया यांना यवतमाळ, राळेगाव आणि वणी क्षेत्रासाठी शिवसेना संघटक म्हणून जबाबदारी देण्यात आली आहे. जबाबदारी मिळाल्यापासून ते माजी आमदार विश्वास नांदेकर यांच्या नेतृत्वाखाली जनसंपर्क मोहिम राबवत असून, समाजातील विविध घटकांतील व्यक्तींना शिवसेनेच्या विचारधारेत सामील करून घेत आहेत.
आज झालेल्या पक्ष प्रवेश सोहळ्यात अनेक तरुण, सामाजिक कार्यकर्ते व व्यापारी वर्गातील व्यक्तींनी धनुष्यबाण हातात घेत शिवसेना शिंदे गटात प्रवेश केला. या प्रवेशामुळे पक्ष संघटनेला स्थानिक पातळीवर नवे बळ मिळाले आहे.
पूर्वीपासून समाजसेवेचा वारसा असलेल्या विजय चोरडिया यांच्या कार्यशैलीमुळे कार्यकर्त्यांमध्ये आत्मविश्वास निर्माण झाला असून, माजी आमदार विश्वास नांदेकर यांच्या नेतृत्वामुळे वणी तालुक्यातील शिवसेनेला ठोस दिशा मिळत आहे.
राजकीय निरीक्षकांचे म्हणणे आहे की, “विश्वास नांदेकर आणि विजय चोरडिया या जोडीने वणी, राळेगाव आणि यवतमाळ भागात शिवसेना शिंदे गटाची संघटनशक्ती दुपटीने वाढवली आहे. त्याचे परिणाम आगामी निवडणुकांमध्ये निश्चितपणे दिसून येतील.”
शिवसेना शिंदे गटाच्या या वाढत्या प्रभावामुळे स्थानिक राजकारणात नव्या समीकरणांना सुरुवात झाली असून, वणी परिसरात ‘शिवसेनेचा झेंडा आणखी उंचावतो आहे’ अशी चर्चा रंगत आहे.
