सिटी हब मिडिया…
वणी नगराध्यक्ष पदासाठी सुरू असलेल्या राजकीय हालचालींना आज अचानक वेग आला आहे. शिवसेना (शिंदे गट) कडून एका नव्या आणि उच्चशिक्षित महिला चेहऱ्याला पुढे करण्याची चर्चा सध्या शहरात रंगली आहे.
विशेष म्हणजे, यावेळी नगराध्यक्ष पद अनुसूचित जमाती (महिला) राखीव असल्याने या निर्णयाला अधिक महत्त्व प्राप्त झाले आहे. पक्षातील सूत्रांच्या माहितीनुसार, या नव्या चेहऱ्याकडे शैक्षणिक पात्रता, सामाजिक जाणीव आणि तरुण नेतृत्वगुण या तीनही गोष्टी आहेत.
आज झालेल्या पक्षाच्या बैठकीत माजी आमदार विश्वास नांदेकर आणि जिल्हा संघटक विजय चोरडिया यांच्या उपस्थितीत या विषयावर सविस्तर चर्चा झाली. यावेळी अनेक पदाधिकारी आणि कार्यकर्तेही उपस्थित होते. बैठकीनंतर पक्षात उत्सुकता आणि उत्साहाचे वातावरण पाहायला मिळाले.
शहरातील राजकीय पटलावर सध्या “ही नवी महिला कोण?” हा प्रश्न सर्वांच्या चर्चेचा केंद्रबिंदू ठरला आहे.
तिचं शिक्षण एमएससी (गणित) आणि एमबीए (एचआर व मार्केटिंग) असल्याचं सांगितलं जात आहे. एवढंच नव्हे तर ती महिला क्रिकेटमध्ये सहभागी झालेली खेळाडू असल्याचंही समजतंय — म्हणजेच शिक्षण आणि क्रीडा दोन्ही क्षेत्रात पारंगत असा हा नवा चेहरा.
पक्षाच्या सूत्रांनी सांगितले —“ही निवड फक्त राजकीय नाही, तर समाजाला आणि महिलांना नवं नेतृत्व देण्याच्या दिशेने एक मोठं पाऊल आहे.”
वणी शहरात या निर्णयानंतर अनेक चर्चांना उधाण आले असून, विरोधकांमध्येही हालचाल सुरू झाली आहे.
आगामी काही दिवसांत हा रहस्याचा पडदा उघडण्याची शक्यता वर्तवली जात आहे.
शहरातील नागरिकांमध्ये आता एकच प्रश्न —
👉 “ही नवी चेहरा कोण असणार?”
– सिटी हब मीडिया(आपली
आवाज, आपल्या शहरातून)
