सिटी हब मिडिया वणी…
टिप्परच्या धडकेत स्कुटीस्वार महिलेचा मृत्यू,गुल पेट्रोलपंप परिसरात भीषण अपघात; चालकावर गुन्हा दाखल…
दि. 19 नोव्हेंबर 2025 रोजी दुपारी 3 ते 3.45 वाजताच्या सुमारास गुल पेट्रोलपंप, लालपुलीयाजवळ झालेल्या अपघातात स्कुटीस्वार महिलेचा मृत्यू झाला. या प्रकरणी पोलीस ठाणे वणी येथे गुन्हा नोंद करण्यात आला आहे.
फिर्यादी अकरम हिदायत उल्ला (वय 40 वर्षे, व्यवसाय सुपरवायझर – वंदना ट्रान्सपोर्ट, रा. राजुर कॉलरी, वणी) यांच्या जबानीवरून मिळालेल्या माहितीनुसार, त्यांच्या वहिनी नाजमीन फालेमा शेख (वय 40, रा. ख्वाजा नगर, अलराजा मस्जिद, लालपुलीया) या स्कुटी क्रमांक MH34 Q 109 ने घरी जात असताना दुर्घटना घडली.
त्याच वेळी टिप्पर क्रमांक CG04 MM 1903 हा वाहनचालक भरधाव वेगाने व निष्काळजीपणे वाहन चालवत होता. स्कुटीला मागून धडक दिल्याने नाजमीन शेख यांचा गंभीर अपघात झाला आणि त्यात त्यांचा मृत्यू झाला.
अपघातानंतर वणी ग्रामीण रुग्णालयातून प्राप्त डीडी मेमो व फिर्यादीच्या तक्रारीवरून चालकाविरोधात कलम 106(1), 281 बीएनएस अंतर्गत अपराध नोंदविण्यात आला आहे.
या प्रकरणाचा पुढील तपास पोहेका 1020 निलकमल भोसले, पोलीस स्टेशन वणी यांच्याकडे आहे.
