सिटी हब मिडिया वणी…
भाजपचा प्रभाग क्रमांक १० मध्ये दणदणीत विजय; अनिल चिंडालिया व आरती वांढरे यांना घवघवीत यश…
भारतीय जनता पार्टीतर्फे प्रभाग क्रमांक १० मधून उमेदवार अनिल चिंडालिया व आरती वांढरे यांनी दणदणीत विजय संपादन केला आहे. या विजयामागे भाजपच्या पदाधिकारी, सहकारी व कार्यकर्त्यांचे एकसंध आणि प्रभावी संघटन महत्त्वाचे ठरले.
या यशामध्ये माजी आमदार संजीव रेड्डी बोदकुरवार, शहर भाजपा अध्यक्ष निलेश चौधरी, मयूर गोयनका (कोषाध्यक्ष, भाजपा शहर),अनूप राठी (अध्यक्ष, भाजपा व्यापारी आघाडी), निकित झामड (उपाध्यक्ष, व्यापारी आघाडी) रोशन कटारिया (सचिव व्यापारी आघाडी)तसेच आशिष सिसोदिया जैन (सोशल मीडिया सहकारी, भाजपा) यांनी मोलाची भूमिका बजावली.
निवडणूक काळात या सर्व सहकारी, पदाधिकारी व कार्यकर्त्यांनी दिवस-रात्र परिश्रम घेत घरोघरी जाऊन प्रचार केला. मतदारांशी थेट संवाद साधत विकासाची ठोस हमी देण्यात आली. प्रभागाच्या सर्वांगीण विकासाची सकारात्मक भावना मतदारांमध्ये निर्माण करण्यात हे संघटन यशस्वी ठरले.
या सर्व मंडळी तर्फे नवनिर्वाचित नगरसेवक अनिल चिंडालिया व आरती वांढरे यांना विजयाच्या हार्दिक शुभेच्छा देण्यात आल्या असून, प्रभागाच्या वेगवान विकासासाठी त्यांच्या यशस्वी कार्यकाळासाठी सदिच्छा व्यक्त करण्यात आल्या आहेत.
तसेच, “सहकारी, पदाधिकारी व कार्यकर्त्यांच्या अथक परिश्रमांशिवाय हा विजय शक्य नव्हता,” असे प्रतिपादन अनिल चिंडालिया व आरती वांढरे यांनी केले आहे.
