सिटी हब मिडिया वणी…
वणी नगर परिषदेत भाजपची स्पष्ट सत्ता; सभापतींची विभागनिहाय निवड…
वणी नगर परिषदेमध्ये आज भारतीय जनता पक्षाच्या उमेदवारांची विविध विषय समित्यांच्या सभापतीपदी निवड करण्यात आली. नगराध्यक्षांसह १८ नगरसेवक भाजपचे निवडून आल्याने नगरपालिकेत भाजपला स्पष्ट बहुमत प्राप्त झाले असून, नव्या प्रशासनाची रचना पूर्णत्वास गेली आहे.
नगर परिषदेमध्ये सभापती म्हणून खालीलप्रमाणे विभागनिहाय जबाबदाऱ्या निश्चित करण्यात आल्या आहेत —
राकेश बुग्गेवार – पाणीपुरवठा विभाग
लक्ष्मण उरकुडे – नियोजन विभाग
सोनाली निमकर – शिक्षण समिती
रिता पहापळे – महिला व बालकल्याण समिती
अनिल चिंडालिया – आरोग्य विभाग
लवली लाल – बांधकाम विभाग
नगराध्यक्ष, उपाध्यक्ष तसेच सर्व महत्त्वाच्या समित्यांचे सभापती भाजपचे असल्याने वणी नगर परिषदेत भाजपची सत्ता पूर्णपणे स्थिर झाली आहे. निवडणुकीनंतर आता प्रत्यक्ष विकासकामांना गती देण्याची गरज असून, नगरपालिकेच्या कारभाराकडे नागरिकांचे लक्ष लागले आहे.
वणी शहरात पाणीपुरवठा, आरोग्य सेवा, शिक्षण व्यवस्था तसेच पायाभूत सुविधांशी संबंधित अनेक प्रश्न प्रलंबित आहेत. विशेषतः पाणीपुरवठ्याच्या समस्येमुळे नागरिक त्रस्त असून, आरोग्य व शिक्षण क्षेत्रातही सुधारणा अपेक्षित आहेत. नगरपालिकेचे संपूर्ण प्रशासन भाजपच्या हातात असल्याने या सर्व प्रश्नांवर ठोस व वेळेत निर्णय घेतले जातील, अशी अपेक्षा व्यक्त होत आहे.
वणीकर जनतेने ज्या विश्वासाने भाजपला स्पष्ट बहुमत दिले आहे, त्या विश्वासास पात्र ठरत भाजप प्रशासनाने प्रत्यक्ष कामातून विकास दाखवावा, अशी अपेक्षा नागरिकांकडून व्यक्त केली जात आहे. नव्या सभापतींच्या माध्यमातून शहराचा चौफेर विकास साधला जाईल, अशी आशा वणीकर जनतेमध्ये आहे.
