सिटी हब मिडिया
🟧 वणी नगर परिषद निवडणुका 2025 🟧
प्रभाग क्रमांक १० मधून शिवसेना शिंदे गटात नवा दमदार चेहरा — कार्तिक नारायणराव देवडे यांचे नाव नगरसेवकपदासाठी आघाडीवर!
वणी नगर परिषदेच्या आगामी निवडणुकीचे वारे वाहू लागले असून विविध पक्षांमध्ये नव्या उमेदवारांची चर्चा रंगू लागली आहे. प्रभाग क्रमांक १० मधून समाजात प्रभावशाली ओळख असलेले आणि तिरळे कुणबी समाजाचे अध्यक्ष पद भूषवलेले कार्तिक नारायणराव देवडे हे नाव सध्या सर्वाधिक चर्चेत आहे.
कार्तिक देवडे हे केवळ सामाजिक कार्यात सक्रिय नसून एक युवा, यशस्वी व्यवसायिक म्हणून त्यांची ओळख आहे. समाजातील प्रत्येक घटकाला साथ देत त्यांनी गेल्या काही वर्षांत आपल्या प्रभागात मजबूत जनसंपर्क निर्माण केला आहे. त्यांचा सडेतोड, स्पष्टवक्ते आणि तडफदार स्वभावामुळे ते युवकांमध्ये लोकप्रिय तसेच प्रेरणादायी नेतृत्व म्हणून उदयास आले आहेत.
अलीकडेच त्यांनी शिवसेना (शिंदे गट) मध्ये प्रवेश घेतला असून, प्रवेशानंतर त्वरितच पक्षात त्यांना चांगला प्रतिसाद मिळत आहे. पक्षातील वरिष्ठ नेत्यांकडूनही त्यांच्या कार्यशैलीचे कौतुक केले जात आहे. सूत्रांनुसार, प्रभाग क्रमांक १० मधून शिवसेना शिंदे गटाकडून उमेदवारीसाठी कार्तिक देवडे यांच्या नावाची चाचपणी जोरात सुरू असून स्थानिक पातळीवर त्यांच्यासाठी कार्यकर्त्यांमध्ये उत्साहाचे वातावरण आहे.
कार्तिक देवडे हे एक उत्तम क्रिकेटपटू, हिंदुत्ववादी विचारसरणीचे कार्यकर्ते आणि समाजसेवेची नाळ जपणारे युवक नेते म्हणून ओळखले जातात. त्यांच्या नेतृत्वाखाली प्रभागातील विविध विकासकामे, सामाजिक उपक्रम, तसेच युवकांना प्रोत्साहन देणारे कार्यक्रम राबवले गेले आहेत.
पक्षीय सूत्रांच्या माहितीनुसार, देवडे यांचा प्रभागात मजबूत जनाधार आहे आणि स्थानिक मतदार त्यांच्याबद्दल सकारात्मक दृष्टिकोन बाळगतात. जर उमेदवारी निश्चित झाली, तर प्रभाग क्रमांक १० मध्ये शिवसेना शिंदे गटासाठी ही निवडणूक एक मजबूत पाऊल ठरू शकते.
📍 प्रभाग क्रमांक १० — शिवसेना शिंदे गटाकडून कार्तिक नारायणराव देवडे यांचे नाव चर्चेत, युवकांमध्ये उत्साहाचं वातावरण!
