सिटी हब मिडिया वणी…
मिळेपर्यंत संघर्ष सुरूच राहील” – विजय पिदुरकर.
आपला जीव धोक्यात घालून कोरोना काळात जनतेची निस्वार्थ सेवा करणाऱ्या आशा वर्कर्सना अजूनही त्यांचे थकीत मानधन मिळालेले नाही. कोरोना काळात आशा वर्कर्ससाठी विशेष मानधन मंजूर करण्यात आले होते, मात्र त्यापैकी केवळ एका महिन्याचे मानधन मिळाले असून तब्बल दोन वर्षांचे मानधन अद्यापही प्रलंबित आहे.
या गंभीर विषयावर आशा वर्कर्सनी अनेकवेळा प्रशासनाला निवेदन देऊन मागणी केली, परंतु प्रशासनाने कोणतीही ठोस कारवाई केली नाही. दरम्यान चंद्रपूर जिल्ह्यातील आशा वर्कर्सना दोन वर्षांचे थकित मानधन मिळाले आहे, मात्र यवतमाळ जिल्ह्यात या संदर्भात कोणतीही हालचाल झालेली नाही.
याच पार्श्वभूमीवर आज आशा वर्कर्सनी माजी जिल्हा परिषद सदस्य विजय पिदुरकर यांच्या नेतृत्वात पंचायत समिती कार्यालयात बिडीओ यांना निवेदन देत थकित मानधन तत्काळ देण्याची मागणी केली. तसेच मागणी मान्य न झाल्यास संविधानिक मार्गाने आंदोलन उभारण्याचा इशाराही देण्यात आला.
विजय पिदुरकर यांनी आशा वर्कर्सना ठाम आश्वासन दिले की, “आशा वर्कर्सना त्यांचे संपूर्ण थकीत मानधन मिळेपर्यंत हा लढा सुरू राहील. मी त्यांच्या खांद्याला खांदा लावून उभा आहे.”
हक्काच्या मानधनासाठी आशा वर्कर्सचा संघर्ष आता अधिक तीव्र होण्याची शक्यता आहे.
