तब्येत बरी नसतानाही जनतेसाठी लढा — माजी आमदार विश्वास नांदेकर आणि विजय चोरडिया यांच्या पुढाकाराने करवाढ स्थगित

1. वणीकर जनतेला मोठा दिलासा!

माजी आमदार विश्वास नांदेकर यांच्या प्रयत्नांना यश – वाढीव घरकर रद्द नगर विकास मंत्री एकनाथ शिंदे यांच्या हस्तक्षेपानंतर वणी नगर परिषदेला आदेश…

गेल्या महिन्यात वणी नगर परिषदेकडून नागरिकांवर वाढीव करवाढीचा बोजा टाकण्यात आला होता. अनेक घरांचा कर तीनपट ते सहापट वाढल्याने नागरिकांमध्ये तीव्र नाराजी होती. ही करवाढ अन्यायकारक आणि बेकायदेशीर असल्याचे नागरिकांचे मत होते. या पार्श्वभूमीवर माजी आमदार विश्वास नांदेकर यांनी स्वतः पुढाकार घेत नागरिकांच्या भावना राज्य सरकारपर्यंत पोहचवल्या.

 

नांदेकर यांनी थेट महाराष्ट्र राज्याचे उपमुख्यमंत्री व नगरविकास मंत्री एकनाथ शिंदे यांची भेट घेऊन या करवाढीबाबत सविस्तर चर्चा केली आणि लिखित स्वरूपात निवेदन सादर केले. त्यांनी ठाम भूमिका घेत वणीकर जनतेला आश्वासन दिले होते की “जोपर्यंत हा अन्यायकारक कर मागे घेतला जात नाही, तोपर्यंत नागरिकांनी नवीन करवाढ भरू नये.”

स्वतःची तब्येत ठीक नसतानाही त्यांनी प्रशासक आणि नगरपरिषद सीईओ यांची प्रत्यक्ष भेट घेऊन तातडीने करवाढ स्थगित करण्याची मागणी केली. त्यांच्या या पाठपुराव्याला अखेर यश आले असून, नगर विकास मंत्रालयाने वणी नगर परिषदेचा वाढीव कर रद्द केल्याचे आदेश जारी केले आहेत.

भाजप सोडून शिवसेना शिंदे गटात प्रवेश घेतल्यानंतर विजय चोरडिया यांनी सुद्धा आश्वासन दिले होते की वणीवासियांना करवाढीतून दिलासा दिला जाणार व आज तो शब्द पूर्ण केला…

यामुळे वणीकर जनतेला मोठा दिलासा मिळाला आहे. अनेक नागरिकांनी नांदेकर यांच्या या अथक प्रयत्नांचे आणि जनहितासाठीच्या भूमिकेचे कौतुक केले आहे.

 

यावेळी विश्वास नांदेकर म्हणाले,

“मी आमदार नसूनही वणीकर जनतेच्या सेवेसाठी सदैव तत्पर आहे. जनतेवर अन्याय होऊ देणार नाही. वाढीव कर स्थगित केल्याने आता प्रत्येक घराला दिलासा मिळेल.”

या निर्णयामुळे वणी शहरातील सर्वसामान्य नागरिकांचा भार हलका झाला असून, जनतेत आनंदाचे वातावरण आहे.

📍 City Hub Media