सुनिल तुगनायत सिटी हब मिडिया वणी…
यवतमाळ जिल्ह्याला अंमली पदार्थांच्या विळख्यातून मुक्त करण्यासाठी पोलीस अधीक्षक कुमार चिंता यांनी छेडलेल्या मोहिमेला मोठे यश आले आहे. वणी पोलीस ठाण्याच्या हद्दीत प्रतिबंधित ‘एमडी’ (मेफेड्रोन) ड्रग्जची विक्री करणाऱ्या दोन अट्टल तस्करांना स्थानिक गुन्हे शाखेने (LCB) सापळा रचून अटक केली. त्यांच्याकडून २ लाख ३० हजार ४४० रुपयांचा मुद्देमाल जप्त करण्यात आला आहे.
गुप्त माहितीवरून रचला सापळा…
मिळालेल्या माहितीनुसार, स्थानिक गुन्हे शाखेचे पथक वणी परिसरात गस्तीवर असताना त्यांना खात्रीशीर खबर मिळाली की, एक इसम ड्रग्जची विक्री करण्यासाठी देशमुख वाडी परिसरातील बस स्थानकाच्या मागील रस्त्यावर येणार आहे. या माहितीच्या आधारे पोलिसांनी तातडीने या भागात वेढा घातला आणि दबा धरून बसले.
काही वेळातच तिथे एक विना क्रमांकाची काळी मोपेड आली. पोलिसांनी संशयावरून दोघांना ताब्यात घेतले आणि त्यांची झडती घेतली असता, त्यांच्याकडे घातक ‘एमडी’ ड्रग्ज आढळून आले.
अटक केलेले आरोपी…
१. राहुल दिलीप ठाकूरवार (वय ४० वर्षे, रा. लायन्स स्कूल जवळ, वणी)
२. प्रितम लिलाराम केशवाणी (वय ४४ वर्षे, रा. गुरुनानक नगर, सिंधी कॉलनी, वणी)
जप्त केलेला मुद्देमाल…
पोलिसांनी आरोपींकडून खालील वस्तू हस्तगत केल्या आहेत:
२१ ग्रॅम १८ मिलिग्रॅम ‘एमडी’ ड्रग्ज (किंमत १,९७,०८० रुपये)
रोख रक्कम, मोबाईल फोन आणि विना क्रमांकाची मोपेड गाडी.
एकूण मुद्देमाल: २,३०,४४० रुपये.
पोलीस कारवाई आणि पथक…
ही यशस्वी कारवाई पोलीस अधीक्षक श्री. कुमार चिंता, अपर पोलीस अधीक्षक श्री. अशोक थोरात यांच्या मार्गदर्शनाखाली पूर्ण करण्यात आली. या मोहिमेत सहभागी असलेले अधिकारी व कर्मचारी खालीलप्रमाणे आहेत:
सतिश चवरे (पोलीस निरीक्षक, स्था.गु.शा. यवतमाळ)
गोपाल उंबरकर (पोलीस निरीक्षक, पो.स्टे. वणी)
दत्ता पेंढकर (सपोनि)
धनराज हाके (पोउपनि)
सुनील खंडागळे (पोहकॉ)
सुधिर पांडे (पोहकॉ)
सुधिर पिदुरकर (पोहकॉ)
निलेश निमकर (पोहकॉ)
सलमान शेख (पोकॉ)
रजनिकांत मडावी (पोकॉ)
सतिश फुके (चपोना)
तसेच एमडी ड्रग्सची तपासणी करण्याकरिता यवतमाळ वरून फॉरेन्सिक लॅबचे तज्ञ ही बोलवण्यात आले होते.त्यांनी नमुने गोळा करून नमुने लॅबमध्ये तपासणीसाठी घेतले आहे…
या सर्वांच्या चोख कामगिरीमुळे वणीतील ड्रग्ज तस्करीचे मोठे रॅकेट उघडकीस आले आहे. दोन्ही आरोपींविरुद्ध वणी पोलीस ठाण्यात एन.डी.पी.एस. कायद्यांतर्गत गुन्हा नोंदवून त्यांना पुढील कारवाईसाठी वणी पोलिसांच्या स्वाधीन करण्यात आले आहे.
“जिल्ह्यात कोणत्याही प्रकारचे अवैध धंदे चालू दिले जाणार नाहीत. विशेषतः तरुणाईला उद्ध्वस्त करणाऱ्या ड्रग्ज तस्करांविरुद्ध कठोर कारवाई सुरूच राहील.”
— पोलीस प्रशासन, यवतमाळ…
