वणी ग्रामीण रुग्णालयात उपचार सुरू असलेल्या अज्ञात वृद्धाचा मृत्यू; नातेवाईकांचा पोलिसांकडून शोध सुरू!

सुनिल तुगनायत, सिटी हब मिडिया वणी…

वणी येथील ग्रामीण रुग्णालयात उपचारासाठी दाखल झालेल्या एका अंदाजे ६० वर्षीय अज्ञात वृद्धाचा उपचार सुरू असतानाच मृत्यू झाल्याची घटना समोर आली आहे. या प्रकरणी वणी पोलीस ठाण्यात मर्ग क्रमांक ३९/२०२६ अन्वये नोंद करण्यात आली असून, पोलीस आता या मृत व्यक्तीच्या नातेवाईकांचा शोध घेत आहेत.

नेमकी घटना काय?

मिळालेल्या माहितीनुसार, मंगळवार दिनांक २६ मे २०२६ रोजी दुपारी ४:५५ वाजण्याच्या सुमारास या अनोळखी वृद्धाला उपचारासाठी वणी येथील ग्रामीण रुग्णालयात आणण्यात आले होते. मात्र, दुर्दैवाने उपचारादरम्यान त्यांची प्राणज्योत मालवली. रुग्णालयाकडून मिळालेल्या ‘एम.एल.सी’ (MLC) अहवालानंतर वणी पोलिसांनी या प्रकरणाचा तपास सुरू केला आहे.

मृत व्यक्तीचे वर्णन:

वय: अंदाजे ६० वर्षे

शरीरयष्टी: सडपातळ बांधा

उंची: ५ फूट ६ इंच

केस व दाढी: पांढरे केस, पांढरी फ्रेंच कट दाढी आणि जाड काळी मिशी.

अंगावरील कपडे: पांढऱ्या रंगाचे ठिपके (dots) असलेला फुल शर्ट, आतमध्ये पांढऱ्या रंगाचा टी-शर्ट आणि मिलिटरी (आर्मी) पॅटर्नची पॅन्ट.

ओळख पटवण्यासाठी विशेष खूण: मृत वृद्धाच्या उजव्या हातावर ‘सुभाष गोंदलेले’ (Tattoo) आहे.

पोलीस प्रशासनाचे आवाहन:

जर आपल्या परिसरातून या वर्णनाचा कोणीही व्यक्ती हरवला असेल किंवा आपल्याला त्यांच्या नातेवाईकांविषयी काहीही माहिती असल्यास, खालील क्रमांकांवर त्वरित वणी पोलीस ठाण्याशी संपर्क साधावा:

पो.नि. गोपाळ उंबरकर (वणी पोलीस स्टेशन): ८७८८५७७८४०

मपोहेकॉ/१२४५ अंजली चिखले (तपास अधिकारी): ९५४५५४०६१४