सुनिल तुगनायत, सिटी हब मिडिया वणी…
“एका माणसाचे प्राण वाचवणे म्हणजे संपूर्ण मानवता वाचवणे!”
“रक्तदानाला जात, धर्म, भाषा किंवा पंथाची सीमा नसते; रक्ताचा रंग एकच – माणुसकीची भावना एकच!” हा उदात्त विचार कृतीत आणत जमात-ए-इस्लामी हिंद (युवा शाखा), वणी यांच्या वतीने प्रेषित हजरत मोहम्मद (स.अ.) यांच्या जयंतीनिमित्त दरवर्षीप्रमाणे यंदाही बुधवार, दिनांक २६ ऑगस्ट २०२६ रोजी सकाळी ९.०० वाजल्यापासून वणी येथे भव्य रक्तदान शिबिराचे आयोजन करण्यात आले आहे.
मानवतेच्या सेवेसाठी एक पाऊल पुढे टाकत सुरू असलेला हा सामाजिक उपक्रम यंदा आपल्या यशस्वी १२ व्या वर्षात पदार्पण करत आहे.
शासकीय वैद्यकीय महाविद्यालय चंद्रपूर व लाईफ लाईन नागपूरचे सहकार्य…
हे रक्तदान शिबिर शासकीय वैद्यकीय महाविद्यालय (GMC)चंद्रपूर आणि तज्ज्ञांच्या देखरेखीखाली अत्यंत नियोजनबद्ध पद्धतीने पार पडणार आहे.
वर्षाचे ३६५ दिवस अखंड रुग्णसेवा…
जमात-ए-इस्लामी हिंदची युवा शाखा केवळ वर्षातून एक दिवस शिबिर घेऊन थांबत नाही, तर वर्षभर कोणत्याही आपत्कालीन परिस्थितीत गरजू, गरीब आणि गंभीर रुग्णांसाठी तातडीने रक्ताची सोय करण्यासाठी २४ तास तत्पर असते. वणी व परिसरातील रुग्णालयांमध्ये रक्ताचा तुटवडा भासू नये यासाठी संस्था निरंतर कार्यरत आहे.
कोविड संकटातही निभावले होते सामाजिक कर्तव्य…
वर्ष २०२० मधील भीषण कोविड-१९ महामारीच्या काळात, जेव्हा सर्वसामान्य नागरिक घरातून बाहेर पडण्यास घाबरत होते आणि रक्ताचा मोठा तुटवडा निर्माण झाला होता, तेव्हा या संस्थेने सामाजिक बांधिलकी जपत वणी परिसरातील ४ पोलीस ठाण्यांमधील पोलीस अधिकारी व कर्मचाऱ्यांसाठी विशेष रक्तदान शिबिर यशस्वीरीत्या पार पाडले होते. या संकटकालीन सेवेचे सर्व स्तरांतून मोठे कौतुक झाले होते.
कुरआण शरीफचा मानवतेचा संदेश आणि सर्वधर्मसमभाव…
“एका माणसाचे प्राण वाचवणे म्हणजे संपूर्ण मानवता वाचवणे” (कुरआण शरीफ ५:३२) या पवित्र शिकवणीतून प्रेरणा घेऊन आयोजित करण्यात आलेल्या या शिबिरात समाजातील सर्व धर्म, पंथ आणि घटकांमधील बंधू-भगिनींनी मोठ्या संख्येने सहभागी होऊन रक्तदान करावे, असे कळकळीचे आवाहन आयोजकांच्या वतीने करण्यात आले आहे.
📍 शिबिराचा संपूर्ण तपशील:
वार व दिनांक: बुधवार, २६ ऑगस्ट २०२६
वेळ: सकाळी ९.०० वाजतापासून
उद्घाटन कार्यक्रम / प्रमुख उपस्थिती…
एस.डी.पी.ओ. (उपविभागीय पोलीस अधिकारी) महाल्ले सर
पोलीस निरीक्षक (PI) भानुदास पिदूरकर
पोलीस निरीक्षक (PI) नरेश रणबिर
डॉ. सुलभेवार सर (वैद्यकीय अधीक्षक, ग्रामीण रुग्णालय, वणी)
डॉ. समीर थेरे सर (तालुका आरोग्य अधिकारी – THO)
स्थळ: टिळक चौक, वनविभाग कार्यालयाच्या बाजूला, वणी
आयोजक: जमात-ए-इस्लामी हिंद (युवा शाखा), वणी…
सहकार्य: शासकीय वैद्यकीय महाविद्यालय, चंद्रपूर व लाईफ लाईन ब्लड सेंटर, नागपूर
चला… रक्तदान करूया! ❤️ जीवन वाचवूया! ❤️ माणुसकी जपूया! ❤️ सामाजिक एकतेचा संदेश देऊया!
