सिटी हब मिडिया वणी…
🎶 ‘स्वरधारा’ विदर्भ आयडल २०२५ अंतिम टप्प्यात; ऑडिशनमधून २० स्पर्धकांची निवड, २८ डिसेंबरला ७० गायकांची महालढत 🎤
विदर्भातील नवोदित गायकांना व्यासपीठ देणारी बहुप्रतिक्षित ‘स्वरधारा’ विदर्भ आयडल २०२५ गीत गायन स्पर्धा आता अंतिम टप्प्यात पोहोचली आहे. स्व. पंडित रामगोपालजी जोशी स्मृतिप्रीत्यर्थ आयोजित या स्पर्धेच्या ऑडिशन फेरीला उत्स्फूर्त प्रतिसाद मिळाला असून, मुख्य कार्यक्रमाची सर्व तयारी पूर्ण करण्यात आली आहे.
या स्पर्धेचे आयोजन श्री साई म्युझिकल ग्रुप, श्री रंगनाथ स्वामी संगीत कला केंद्र व मैत्रेय फाउंडेशन यांच्या संयुक्त विद्यमाने करण्यात आले आहे.
🎼 ऑडिशन फेरीला ८३ स्पर्धकांचा उत्स्फूर्त प्रतिसाद
नुकत्याच पार पडलेल्या ऑडिशन फेरीत एकूण ८३ स्पर्धकांनी सहभाग घेतला. स्पर्धकांच्या आवाजातील सुर, ताल, भाव आणि सादरीकरणाचे बारकाईने परीक्षण करण्यात आले.
या ऑडिशनसाठी परीक्षक म्हणून मांडवी येथील उमेश ताटेवार सर आणि नागपूर येथील दीपिका ढवस मॅडम यांनी भूमिका पार पाडली.
🏆 ऑडिशनमधून २० स्पर्धकांची थेट निवड
ऑडिशनमधून
सीनियर गटातून १० स्पर्धक
ज्युनिअर गटातून १० स्पर्धक
अशा एकूण २० स्पर्धकांची निवड करण्यात आली आहे. हे स्पर्धक रविवार दि. २८ डिसेंबर रोजी होणाऱ्या अंतिम स्पर्धेत सहभागी होणार आहेत.
🎤 २८ डिसेंबरला ७० स्पर्धकांची भव्य गीत गायन स्पर्धा
ऑडिशनमधून निवडलेले २० स्पर्धक आणि विदर्भातील विविध भागांतून सहभागी होणारे उर्वरित ५० स्पर्धक, अशा एकूण ७० स्पर्धकांची भव्य गीत गायन स्पर्धा
रविवार, दिनांक २८ डिसेंबर २०२५ रोजी
बाजोरिया लॉन, एल.टी. कॉलेजजवळ, वणी येथे पार पडणार आहे.
🌟 इंडियन आयडल फेम उत्कर्ष वानखेडे यांची विशेष उपस्थिती
या संगीतमय महोत्सवाचे विशेष आकर्षण ठरणार आहे
इंडियन आयडल फेम उत्कर्ष वानखेडे (मुंबई) यांची विशेष उपस्थिती. त्यांच्या सुमधुर आवाजातील गीत गायनामुळे कार्यक्रमाला विशेष रंगत येणार आहे.
🎁 आकर्षक बक्षिसांची घोषणा
स्पर्धा ज्युनिअर व सीनियर अशा दोन गटांत होणार असून खालीलप्रमाणे बक्षिसे ठेवण्यात आली आहेत —
🏅 ज्युनिअर गट (५ ते १६ वर्षे)
प्रथम पुरस्कार : ₹6001/-
द्वितीय पुरस्कार : ₹4001/-
तृतीय पुरस्कार : ₹3001/-
प्रोत्साहनपर ७ बक्षिसे : प्रत्येकी ₹1501/-
🏅 सीनियर गट (१७ ते ५० वर्षे)
प्रथम पुरस्कार : ₹17001/-
द्वितीय पुरस्कार : ₹11001/-
तृतीय पुरस्कार : ₹6001/-
प्रोत्साहनपर ७ बक्षिसे : प्रत्येकी ₹2001/-
⏰ दिवसभराचे संपूर्ण कार्यक्रम वेळापत्रक
सकाळी ९ ते ४ : गीत गायन स्पर्धा (पहिली फेरी)
सायंकाळी ४ : गुरुकुल डान्स अकॅडमीकडून सांस्कृतिक सादरीकरण
सायंकाळी ५ : इंडियन आयडल फेम उत्कर्ष वानखेडे यांचे उपस्थितीत दुसरी फेरी
सायंकाळी ६ : उत्कर्ष वानखेडे यांचा विशेष गीत गायन कार्यक्रम
सायंकाळी ७ : बक्षीस वितरण सोहळा
🎶 संगीतप्रेमींना उपस्थित राहण्याचे आवाहन
विदर्भातील नवोदित गायक कलाकारांना संधी देणारी ही भव्य गीत गायन स्पर्धा व संगीत महोत्सव अनुभवण्यासाठी वणी व परिसरातील सर्व संगीतप्रेमींनी मोठ्या संख्येने उपस्थित राहावे, असे आवाहन विदर्भ आयडल परिवार, वणी यांच्यावतीने करण्यात आले आहे.
