सिटी हब मिडिया वणी…
यवतमाळ जिल्ह्याचे पोलीस अधीक्षक यांनी गुन्हेगारी मोडीत काढण्याचे आदेश दिल्यानंतर स्थानिक गुन्हे शाखेने (LCB) वणी शहरात धडाकेबाज कामगिरी केली आहे. एका कारवाईत घरात शस्त्रांचा साठा करणाऱ्या तरुणाला, तर दुसऱ्या कारवाईत दोन महिन्यांपासून फरार असलेल्या दरोडेखोराला पोलिसांनी शिताफीने अटक केली आहे.
शस्त्रांच्या साठ्यासह २२ वर्षीय युवक ताब्यात
‘ऑल आऊट ऑपरेशन’ दरम्यान पांढरकवडा वणी उपविभागातील अधिकारी रात्रीची गस्त घालत असताना, त्यांना माळीपुरा येथील एका घरात शस्त्रे असल्याची माहिती मिळाली. निलेश उर्फ अनिकेत कुरमेश सोनटक्के (वय २२) याच्या घरात पोलिसांनी छापा टाकला असता, तिथे सहा नग धारदार शस्त्रे (तलवार, चाकू, कुकरी) मिळून आली. ही शस्त्रे भविष्यात गंभीर गुन्हे करण्याच्या उद्देशाने साठवण्यात आली होती.
दोन महिन्यांपासून फरार असलेला दरोडेखोर जेरबंद
दुसऱ्या एका महत्त्वपूर्ण कारवाईत, कोंडावार ज्वेलर्सवर झालेल्या दरोड्यातील दोन महिन्यांपासून फरार असलेला आरोपी अनिकेत उर्फ बांडी प्रकाश ऐगडवार (वय २६) यालाही पोलिसांनी अटक केली आहे. तो यवतमाळमध्ये आल्याची गुप्त माहिती मिळताच एलसीबीच्या पथकाने त्याला तातडीने ताब्यात घेतले.
या टीमने पार पाडली यशस्वी कामगिरी
ही संपूर्ण कारवाई पोलीस अधीक्षक श्री. कुमार चिंता, अपर पोलीस अधीक्षक श्री. अशोक थोरात आणि स्थानिक गुन्हे शाखेचे पोलीस निरीक्षक सतिश चवरे यांच्या थेट मार्गदर्शनाखाली खालील पथकाने यशस्वी केली:
सपोनि: दत्ता पेंडकर
पोउपनि: धनराज हाके
पोलीस अंमलदार: * सुनील खंडागळे (पो हवा)सुधिर पांडे,निलेश निमकर,सुधिर पिदुरकर,सलमान शेख (पोशि),रजनिकांत मडावी,सतिश फुके (चापोना)
या सर्व टीमने अत्यंत कौशल्याने ही कामगिरी पार पाडली असून, वणी पोलीस स्टेशनमध्ये या दोन्ही प्रकरणी गुन्हे नोंदवण्यात आले आहेत.
