फिल्मी स्टाईलने बाईक वरून मोबाईल चोरी करणाऱ्या चोरट्यांना वणी पोलिस अवघ्या काही तासांतच केले जेरबंद…
सविस्तर माहिती अशी की वणीतील छत्रपती शिवाजी महाराज बगीच्याजवळ महादेव नगर चिखलगाव निवासी विकास पुरूषोत्तम ढेंगळे(वय ४२) मोबाईल वर कॉल आल्याने बगीच्या जवळ थांबून बोलत होते व इतक्याच अगदी फिल्मी स्टाईलने बाईक स्वार तीन चोरट्यांनी (वय अंदाजे २०ते २५) ते बोलत असतानाच त्यांच्या हातातून विवो मोबाईल (अंदाजे किंमत १८हजार) हिसकावून घेतला व पसार झाले.
विनोद ढेंगळे झालेल्या प्रकाराने भांबावून गेले पण समयसूचकता दाखवून त्यांनी बाईकचा नंबर नोट केला (MH29-B-0091)
पण नंतर सिरीज B हे खोडलेले
आढळले.
विनोद ढेंगळे यांनी तत्काळ पोलिसांत तक्रार दाखल केली व पोलिसांनी बाईक नंबरचा शोध घेतला व ती बाईक होन्डा युनिकॉर्न कंपनीची आहे असे आढळले (MH29-B-0091)
सदर बाईक ही मयुर गजानन बत्तुलवार (वय २२) रा.शिवनेरी चौक वणी जवळ आढळली व पोलिसांनी त्याच्या मुसक्या आवळल्या नंतर त्याने आपल्या दोन मित्रांच्या मदतीने मोबाईल चोरी केल्याची माहिती दिली.पोलिसांनी त्याच्या माहिती प्रमाणे गोकुळ नगर रहिवासी मेहताब इल्ताब शहा(वय २४) तसेच साई मंदिर जवळील रहिवासी प्रद्युम्न ऊर्फ बॉबी क्रिष्णा कुरेकार (वय २२) यांना ताब्यात घेऊन गुन्ह्यात वापरलेली मोटर सायकल किंमत अंदाजे ५० हजार व विवो कंपनीचा मोबाईल अंदाजे किंमत १८ हजार जप्त केला.
नंतर पोलिस स्टाईलने इतर चोरी बाबतीत विचारणा केली असता मेहताब शहा याने यापूर्वी दोन मोबाईल वेगवेगळ्या ठिकाणांहून चोरी केल्याचे कबूल केले.(सॅमसंग व रियलमी कंपनीचे दोन मोबाईल अंदाजे किंमत जवळपास ३० हजार )
सदर कार्यवाही ही पोलिस अधीक्षक चिंता कुमार,अपर पोलिस अधीक्षक थोरात आणि उपविभागीय पोलिस अधीक्षक गणेश किंद्रे यांच्या मार्गदर्शनाखाली ठाणेदार गोपाळ उंबरकर, डी.बी.पथकातील पोलिस उपनिरीक्षक धीरज गुल्हाने,पो.हे.कॉ.अमोल दांडगे,हे.कॉ.मोहम्मद वसीम,मोनेश्वर खंडरे,गणेश मेश्राम, नंदकुमार पुप्पलवार, गजानन कुडमेथे सर्व वणी पोलिस स्टेशन यांनी पार पाडली….
