सिटी हब मिडिया वणी..
वणीच्या इतिहासातील २ जानेवारी १९७४ हा दिवस काळा दिवस म्हणून गणल्या जातो. कारण ह्या दिवशी वणी मध्ये महागाई चे विरोधात काढल्या गेलेल्या मोर्चावर पोलिसांनी गोळीबार केला आणि ह्यामध्ये ७ निरपराध लोकांचा बळी गेला व ते हुतात्मे झाले. त्या हुतात्म्यांना दरवर्षी श्रद्धांजली वाहण्यात येते.
मानवी हक्क सुरक्षा परिषद च्या वतीने २ जानेवारी ला लोकमान्य टिळक चौकात असलेल्या हुतात्मा स्मारक ठिकाणी पुष्पहार अर्पण करून व मौन राखून वणी येथील महागाई विरोधी आंदोलनातील हुतात्मे ठरलेल्यांना श्रद्धांजली वाहण्यात आली.
यावेळेस मानवी हक्क सुरक्षा परिषदेचे राज्याध्यक्ष राजु धावंजेवार, राज्य कार्यकारिणी सदस्य परशुराम पोटे, संदिप बेसरकर , सुरेश बन्सोड, विष्णू दानव, अन्य गणमान्य उपस्थित होते.
