सिटी हब मिडिया वणी…
वणीकर हब व सिटी हब मिडिया वणी तर्फे नवनिर्वाचित नगराध्यक्षा विद्याताई आत्राम यांना नगराध्यक्षा पदी विराजमान झाल्याबद्दल शुभेच्छा…
वणीकर हब व सिटी हब मिडिया वणी यांच्या वतीने नवनिर्वाचित नगराध्यक्षा विद्याताई आत्राम यांना त्यांच्या कार्यालयात प्रत्यक्ष भेट देत शुभेच्छा देण्यात आल्या. या प्रसंगी वणी शहराच्या सर्वांगीण विकासासाठी त्यांना यशस्वी कार्यकाळासाठी शुभेच्छा व्यक्त करण्यात आल्या.
यावेळी बोलताना वणीकर हब व सिटी हब मिडिया वणी प्रतिनिधींनी अपेक्षा व्यक्त केली की, विद्याताई आत्राम यांच्या नेतृत्वाखाली वणीतील विकासकामांना गती मिळेल, तसेच सध्या अपूर्ण असलेली विकासकामे लवकरात लवकर पूर्णत्वास जातील. शहरातील जनतेच्या विविध समस्या प्रशासनापर्यंत पोहोचवणे व त्या सोडवण्यासाठी वणीकर हब व सिटी हब मिडिया वणी कडून संपूर्ण सहकार्य दिले जाईल, अशी ग्वाही यावेळी देण्यात आली.
नगराध्यक्षा विद्याताई आत्राम यांनीही आपली भूमिका स्पष्ट करत सांगितले की, जनतेच्या समस्या त्वरित त्यांच्या निदर्शनास याव्यात यासाठी मिडियाची भूमिका अत्यंत महत्त्वाची आहे. शहराच्या विकासासाठी आणि नागरिकांच्या अडचणी दूर करण्यासाठी मिडियाचे सहकार्य उपयुक्त ठरेल, अशी भावना त्यांनी व्यक्त केली.
शुभेच्छा दिल्याबद्दल आभार मानत विद्याताई आत्राम यांनी वणीकर हब व सिटी हब मिडिया वणी यांच्या सामाजिक व लोकहितासाठीच्या कार्याची प्रशंसा केली. या निवडणुकीत सोशल मीडियाची भूमिका खूप विस्तृत होती व जनतेपर्यंत पोहोचविण्यासाठी सोशल मीडियाचा भरपूर उपयोग करण्यात आला ज्यामध्ये वणीकर हब व सिटी हब मिडिया वणी ची भूमिका अग्रस्थानी होती… प्रशासन, मिडिया आणि जनता यांच्यात समन्वय साधून वणी शहराच्या विकासाला नवी दिशा मिळेल, असा विश्वास यावेळी व्यक्त करण्यात आला.
