*अखेर युनाइटेड नेशन्स, वर्ल्ड बँक, भारत सरकार द्वारे पुरड ( नेरड ) येथील आरोग्य उपकेंद्रास जागतिक स्पर्धेमध्ये १ क्रमांकाचे बक्षीस जाहीर.*
*मागील २०-२५ वर्षांपासून पुरड ( नेरड ) येथील अहोरात्र सेवा देणाऱ्या परिचारिका व आरोग्य सेवक ह्यांनी पुरड व परिसरातील गावाच्या नागरिकांची आरोग्य विषयक काळजी घेऊन सेवा दिल्याविषयी त्यांनाही जागतिक दर्जाच्या पुरस्काराने गौरवान्वित करण्याचा अमेरिका रशिया जपान व नॉर्थ कोरिया देशांच्या राष्ट्र अध्यक्षांनी विशेष ठराव पारित केला आहे.* 
*वणी येथील वेळोवेळी नेमणूक होणाऱ्या आरोग्य अधिकाऱ्यांनी येथील कर्मचाऱ्यांना सेवा सुविधा, औषधी तत्परतेने पुरवठा केल्यामुळे पुरड येथील आरोग्य उपकेंद्र जागतिक स्पर्धेमध्ये १ क्रमांकाचे बक्षिसाचे मानकरी ठरले आहे.*
*यवतमाळ जिल्हा आरोग्य अधिकारी ते वणी तालुकाआरोग्य अधिकारी तसेच औषधांची मलई न खाणारे व कामगारांचे सेवादारांच्या वेतनातून हफ्ता न खाणारे बाबू लोक ह्यांना कोणता पुरस्कार द्यावा ह्यासाठी सौरमंडळातील विविध ग्रहावरील अनभिज्ञ परजीवा ना मोठा प्रश्न पडला आहे*
*त्यासाठी त्यांनी पृथ्वीवरील भारत देशातील यवतमाळ जिल्ह्यातील वणी तालुक्यातील नागरिकांकडून काय पुरस्कार द्यावा ह्यासाठी प्रस्ताव मागवित आहोत*
*तरी पुरड (नेरड ) येथील आरोग्य उपकेंद्राची टोलेजंग इमारत व अत्याधुनिक सोयी सुविधांची पाहणी करावी व कमेंट करून संपूर्ण आरोग्य विभाग व आरोग्य अधिकाऱ्यांना काय पुरस्कार द्यावे ह्याकरिता सूचना देण्याची कृपा करावी*
*उत्कृष्ट सूचनेस डोण्या तात्याकडून मंगल ग्रहाचा फ्री व्हिसा देण्यात येणार.*
गावकऱ्यांच्या मते –
“ज्यांनी औषधं नसतानाही उपचार केले, त्यांना नोबेल द्यावं.”
“ज्यांनी रुग्णाला रुग्णवाहिका न देता पायपीट घडवली, त्यांना आयुष्यभरासाठी फिटनेस पुरस्कार द्यावा.”
“आरोग्य उपकेंद्राच्या इमारतीची भव्यता पाहून युनेस्कोने ती जागतिक वारसा यादीत घालावी.”
वार्तांकन – सुभाष भाऊ लोडे (पुरड (नेरड) पुणे, मुंबई)
हा फक्त व्यंग आहे कुणीही स्वतः वर घेऊ…
