दिनांक ८ ऑक्टोबर, बुधवार रोजी सायंकाळी सहा वाजता वसंत जीनिंग हॉल, वणी येथे बहुभाषिक ब्राह्मण सभा वणी यांच्या वतीने स्व. राजाभाऊ पाथरडकर यांच्या निधनानंतर श्रद्धांजली सभेचे आयोजन करण्यात आले.
या श्रद्धांजली सभेत ब्राह्मण सभा, पाराशर ब्राह्मण सभा, त्रिवेदी मेवाडा ब्राह्मण सभा, राजस्थानी मारवाडी ब्राह्मण सभा तसेच बहुभाषिक ब्राह्मण सभा वणी यांच्या संयुक्त विद्यमाने सभेचे आयोजन करण्यात आले होते.
कार्यक्रमास केंद्रीय सचिव श्री किशोर पाठक, जिल्हा अध्यक्ष श्री संजीवजी जोशी, राज्य युवा आघाडी सरचिटणीस श्री राम साकळे, युवा आघाडी जिल्हा अध्यक्ष श्री परीक्षीत शर्मा, श्री मिश्रा काका, प्रा. डॉ. स्वानंद पुंड, श्री मनु महाराज तुगनायत, श्री सुरेश देशकर, श्री चंद्रशेखरजी खोंड, श्री लक्ष्मीनारायण पांडे व श्री प्रमोदजी देशमुख आदी मान्यवर उपस्थित होते.
या सर्वांनी स्व. राजाभाऊ पाथरडकर यांच्या कार्याचा उल्लेख करत समाजसेवा, संघटन बांधणी आणि सामाजिक एकतेसाठी केलेल्या त्यांच्या योगदानाबद्दल कृतज्ञता व्यक्त केली.
कार्यक्रमाचे प्रास्ताविक श्री अमित उपाध्ये यांनी केले तर संचालन ॲड. श्री प्रविण पाठक यांनी केले. शांती मंत्र पठण वे. शा. सं. श्री मयुरजी जोशी यांनी केले.
सभेला ब्राह्मण समाजातील अनेक प्रतिष्ठित व्यक्ती मोठ्या संख्येने उपस्थित राहून आपली शोकसंवेदना व्यक्त केली.
