सिटी हब मिडिया…
दामले फैल विजया गार्डन जवळील भिमनगर परिसरात आज सकाळी एका अज्ञात व्यक्तीचा अत्यंत विघटित अवस्थेतील मृतदेह आढळून आला असून या घटनेने परिसरात मोठी खळबळ उडाली आहे.
प्राथमिक माहितीनुसार, सदर मृतदेह अनेक दिवसांपूर्वीचा असल्याची शक्यता पोलिसांनी व्यक्त केली आहे. मृतदेह पूर्णपणे डीकंपोज (विघटित) झालेला असून, झाडाजवळच शिर आणि शरीर वेगळ्या अवस्थेत आढळल्याची माहिती मिळाली आहे.
घटनेची माहिती मिळताच वणी पोलिस तात्काळ घटनास्थळी दाखल झाले असून सदर घटनेचा तपास सुरू करण्यात आला आहे. सध्या मृत व्यक्तीची ओळख पटविण्याचे प्रयत्न सुरू असून, ही बॉडी इथे कोण आणून टाकून गेला आणि मृत्यूचे कारण नेमके काय आहे, याबाबत अद्याप काही स्पष्ट माहिती मिळालेली नाही.
प्राथमिक तपास पूर्ण झाल्यानंतरच या घटनेमागील नेमके कारण आणि मृत व्यक्तीची ओळख पटेल, असा अंदाज पोलिसांनी व्यक्त केला आहे. परिसरात मात्र या घटनेमुळे भयाचे आणि चर्चेचे वातावरण निर्माण झाले आहे.
सदर प्रकरणाचा अधिक तपास वणी पोलीस ठाण्याचे अधिकारी करीत आहेत. अधिकृत माहिती मिळताच CITY HUB MEDIA कडून अद्ययावत बातमी प्रसिद्ध केली जाईल.
