सिटी हब मिडिया…
दररोज पक्षप्रवेशामुळे कार्यकर्त्यांमध्ये नवचैतन्य — नांदेकर, चोरडिया, मोहितकर यांच्या नेतृत्वाखाली जोरदार तयारी…
आगामी वणी नगरपालिका निवडणुकांच्या पार्श्वभूमीवर शिवसेना (शिंदे गट) पक्षाने निवडणुकीची जोरदार तयारी सुरू केली आहे. जिल्हा संघटक विजय बाबू चोरडिया यांच्या वतीने नगरपालिकेसाठी इच्छुक कार्यकर्त्यांना पक्षाच्या अधिकृत उमेदवारीसाठी अर्ज सादर करण्याचे आवाहन करण्यात आले आहे.
🗓️ मुलाखती — १० नोव्हेंबर
📍 स्थळ : विनायक मंगल कार्यालय, वणी
⏰ वेळ : दुपारी ३ ते सायंकाळी ८.३०
या मुलाखती जिल्हा समन्वयक विश्वास नांदेकर, जिल्हा संघटक विजय चोरडिया, आणि शिवसेना नेते विनोद मोहितकर यांच्या उपस्थितीत घेतल्या जाणार आहेत.
विजय चोरडिया यांनी सांगितले की, इच्छुक कार्यकर्त्यांनी आपले वैयक्तिक तपशील, पक्षातील कामाचा अनुभव, जनसंपर्क व समाजकार्याची माहिती नमुन्यानुसार अर्जात नमूद करून पक्ष कार्यालयात सादर करावी. अर्जाचे नमुने पक्ष कार्यालयात उपलब्ध आहेत.
🔶 दररोजचा पक्षप्रवेश आणि संघटन बळकटी
विश्वास नांदेकर, विजय चोरडिया आणि विनोद मोहितकर यांच्या नेतृत्वात वणी शहरात दररोज कार्यकर्त्यांचा पक्षप्रवेश होत असून, त्यामुळे पक्षात नवचैतन्य निर्माण झाले आहे. आगामी स्थानिक स्वराज्य संस्थांच्या निवडणुकांसाठी इच्छुकांची संख्या वाढत असून, शिवसेना (शिंदे गट) अधिक मजबूत होत असल्याचे चित्र सध्या दिसत आहे.
