सिटी हब मिडिया वणी…
प्रभाग क्रमांक ८ : अल्पशा मतांनी पराभव; तरीही राजू रिंगोले जनतेच्या पाठीशी खंबीर…
प्रभाग क्रमांक ८ मधून शिवसेना (शिंदे गट)चे उमेदवार राजू रिंगोले यांना अल्पशा मतांच्या फरकाने पराभव स्वीकारावा लागला आहे. मात्र या पराभवानंतरही त्यांनी जनतेबाबतची आपली भूमिका अधिक ठाम शब्दांत स्पष्ट करत, जनतेच्या सेवेसाठी अखंड लढा सुरूच राहील असा निर्धार व्यक्त केला आहे.
राजू रिंगोले यांनी सांगितले की, निवडून आलेले विद्यमान नगरसेवक जर जनतेच्या समस्या सोडवण्यात अपयशी ठरले,कमी ठरले तर ते स्वतः जनतेचा नगरसेवक म्हणून रस्त्यावर उतरून जनतेच्या पाठीशी खंबीरपणे उभे राहतील. जोपर्यंत जनतेच्या समस्या मार्गी लागत नाहीत, तोपर्यंत आपण स्वस्थ बसणार नाही,जनता मला माझ्या या 9284881655 मोबाईल नंबर वर कधीही संपर्क करू शकते आणि जोपर्यंत जनतेच्या समस्या दूर होणार नाही तोपर्यंत मी व माझे सहकारी गप्प बसणार नाही अश्या आशयाची भुमिका राजु रिंगोले यांनी स्पष्ट केली आहे…
“मी जरी निवडणूक हरलो असलो, तरी जनतेच्या मनातील नगरसेवक म्हणून मला मान्यता मिळालेली आहे. त्यामुळे जनतेच्या प्रश्नांसाठी लढणे ही माझी जबाबदारीच आहे,” असे राजू रिंगोले यांनी ठामपणे सांगितले.
ते पुढे म्हणाले की, नगरपालिका प्रशासनाकडे प्रभागातील विविध समस्या सातत्याने मांडल्या जातील. जनतेच्या हिताच्या प्रश्नांवर सहकार्याची भूमिका राहील, मात्र प्रश्न सुटले नाहीत, तर संघर्षाचा मार्गही अवलंबला जाईल.
समाजकार्यातील प्रदीर्घ अनुभव असलेले राजू रिंगोले हे गेल्या अनेक वर्षांपासून प्रभागातील नागरिकांच्या अडचणी सोडवण्यासाठी सक्रिय आहेत. या नगरपालिका निवडणुकीत त्यांनी शिवसेना (शिंदे गट)कडून निवडणूक लढवली. अल्पशा मतांनी पराभव झाला असला, तरी जनतेच्या सेवेत कोणतीही खंड पडणार नाही, असा विश्वास त्यांनी व्यक्त केला.
“जनता केव्हाही माझ्या दारी येऊ शकते. त्यांच्या कोणत्याही समस्या असोत, त्या सोडवण्यासाठी मी आणि माझे समर्थक सदैव तत्पर आहोत. मी २४ तास जनतेच्या सेवेसाठी उपलब्ध आहे,” असेही त्यांनी नमूद केले.
प्रभागाचा सर्वांगीण विकास, मूलभूत सुविधा, स्वच्छता, रस्ते, पाणीपुरवठा आदी प्रश्नांसाठी नगरपालिका प्रशासनाकडे सातत्याने पाठपुरावा केला जाईल, असे त्यांनी स्पष्ट केले.
“मी पडलो असलो, तरी हरलो नाही. माझ्यासाठी राजकारणापेक्षा समाजकारण महत्त्वाचे आहे. जनता माझ्यासोबत आहे आणि मी आणि माझे समर्थक व कार्यकर्ते जनतेसाठी कायम उभे राहणार,” अशी ठाम भूमिका राजू रिंगोले यांनी यावेळी व्यक्त केली.
