सिटी हब मिडिया वणी…
आज भाजपचे युवा नेतृत्व जिल्हा उपाध्यक्ष अंकुश बोढे यांच्या वाढदिवसानिमित्त विशेष लेख…
भाजपचे जिल्हा उपाध्यक्ष अंकुश बोढे यांचा प्रवास हा यशस्वी व्यवसायिकापासून प्रभावी आणि तडफदार राजकीय नेतृत्वापर्यंत पोहोचलेला आहे. न्यू अंकुश मोबाईल शॉपीचे संचालक असलेल्या अंकुश बोढे यांनी अल्पावधीतच राजकारणात स्वतःचे वेगळे स्थान निर्माण केले आहे.
त्यांच्या राजकीय कारकिर्दीची सुरुवात मनसेच्या शहर अध्यक्षपदापासून झाली. या काळात त्यांनी वणी शहरातील नागरिकांच्या विविध समस्या सातत्याने उचलून धरल्या व त्या थेट प्रशासनापर्यंत पोहोचवल्या. मोकाट जनावरांचा प्रश्न असो वा वाढीव कराचा मुद्दा—अंकुश बोढे यांनी ठोस भूमिका घेत प्रशासनाला कारवाई करण्यास भाग पाडले. एका वेळी तर मोकाट ढोरांचा प्रश्न गंभीरतेने मांडण्यासाठी ढोर नगरपालिकेच्या आवारात नेऊन सोडत त्यांनी प्रशासनाचे लक्ष वेधले होते.
यानंतर नगरपालिका निवडणुकीच्या तोंडावर अंकुश बोढे यांनी भारतीय जनता पार्टीत प्रवेश केला. स्वतः भाजप जिल्हाध्यक्ष प्रफुल चव्हाण यांनी त्यांचा पक्षप्रवेश करून घेतला व त्यांची भाजप जिल्हा उपाध्यक्ष म्हणून नियुक्ती करण्यात आली. या नियुक्तीनंतर वणी नगरपालिकेच्या निवडणुकीत त्यांच्यावर मोठी जबाबदारी सोपवण्यात आली—प्रभाग क्रमांक ११ चे प्रभारी म्हणून.
प्रभाग ११ मध्ये भाजपचे उमेदवार लवलेश लाल आणि रेखाताई कोवे निवडणुकीच्या रिंगणात होते. या दोन्ही उमेदवारांच्या विजयासाठी अंकुश बोढे यांनी पूर्ण ताकद लावली. गल्लोगल्ली फिरत, घरोघरी प्रचार करत त्यांनी उमेदवारांसोबत पूर्णवेळ काम केले. त्यांच्या प्रभावी नियोजनामुळे आणि मेहनतीमुळे भाजपने प्रभाग क्रमांक ११ मधील दोन्ही जागा प्रचंड मताधिक्याने जिंकल्या. या विजयात अंकुश बोढे यांचा वाटा महत्त्वपूर्ण ठरला, हे नाकारता येणार नाही.
आज अंकुश बोढे हे भाजपचे युवा व तडफदार नेतृत्व म्हणून वणीच्या राजकीय पटलावर ओळखले जात आहेत. उत्तम वक्तृत्व, जनतेच्या प्रश्नांची सखोल जाण आणि प्रशासनाशी प्रभावी संवाद साधण्याचा अनुभव ही त्यांची मोठी ताकद आहे. आगामी जिल्हा परिषद व पंचायत समिती निवडणुकांमध्येही भाजप त्यांच्या कर्तृत्वाचा व नियोजनाचा पुरेपूर उपयोग करून घेणार असल्याचे संकेत आहेत.
आज अंकुश बोढे यांचा वाढदिवस आहे.त्यांना अनेक स्तरांतून शुभेच्छा दिल्या जात आहेत,त्यांच्या राजकीय व व्यवसायिक कारकीर्दीला अशीच भरभराट लाभो, त्यांच्यावर अधिकाधिक जबाबदाऱ्या येवोत आणि त्या जबाबदाऱ्या ते यशस्वीपणे पार पाडोत, हीच सदिच्छा.
नुकत्याच दोन जुळ्या कन्या त्यांच्या घरी लक्ष्मीरूपाने जन्मल्या आहेत आणि भाजपने वणी नगरपरिषद निवडणूकीत दणदणीत विजय प्राप्त करत एकहाती सत्ता मिळवली आहे त्यामुळे अंकुश बोढे यांचा हा वाढदिवस विशेष ठरला आहे….यांना वाढदिवसाच्या हार्दिक शुभेच्छा व दीर्घायुष्य लाभो, अशी मनःपूर्वक शुभेच्छा…
शुभेच्छुक— वणीकर हब आणि सिटीहब मिडिया…
