सिटी हब मिडिया वणी…
वणी पोलीस स्टेशन अंतर्गत सन २०२५ अखेर एकूण ७८५ गुन्ह्यांची नोंद करण्यात आली असून, त्यापैकी बहुतांश गुन्हे उघडकीस आणण्यात पोलिसांना लक्षणीय यश मिळाले आहे. नोंद झालेल्या गंभीर गुन्ह्यांमध्ये खूनचे ६, खुनाचा प्रयत्न २, दरोडा १, जबरी चोरी १, घरफोडी १९, चोरी ७१, मारहाणीचे ६३ तसेच प्राणांतिक अपघाताचे ३५ गुन्हे समाविष्ट आहेत.
याशिवाय दारूबंदीचे ६७, जुगाराचे १०८ तर इतर स्वरूपाचे ४४९ गुन्हे दाखल झाले आहेत. कायद्यानुसार भाग १ ते ५ अंतर्गत एकूण ३०० गुन्हे नोंदवले गेले असून त्यापैकी २४७ गुन्ह्यांचा तपास पूर्ण करून ते उघडकीस आणण्यात आले आहेत. भाग ६ अंतर्गत ४८४ गुन्ह्यांची नोंद झाली आहे.
घरफोडीच्या १९ प्रकरणांपैकी १० प्रकरणांचा यशस्वी छडा लावण्यात आला असून, चोरीस गेलेल्या ४३ लाख ७३ हजार ८१७ रुपयांच्या मुद्देमालापैकी १६ लाख ३१ हजार १०० रुपयांचा मुद्देमाल हस्तगत करण्यात आला आहे. तसेच चोरीच्या ७१ गुन्ह्यांपैकी ३६ गुन्हे उघडकीस आले असून, चोरीस गेलेल्या १ कोटी ६ लाख ९६ हजार २०६ रुपयांपैकी ७४ लाख ७२ हजार ३५६ रुपयांचा मुद्देमाल पोलिसांनी जप्त केला आहे.
मालमत्तेसंबंधी गुन्ह्यांमध्ये एकूण सुमारे ६३ टक्के मुद्देमाल परत मिळवण्यात वणी पोलिसांना यश आले आहे. वर्षअखेरीस गुन्हे प्रलंबिततेच्या आकडेवारीनुसार भाग १ ते ५ मधील ३०० गुन्ह्यांपैकी केवळ ३१ गुन्हे तपासाधीन असून, हे प्रमाण अवघे १०.३३ टक्के आहे.
गुन्हे नियंत्रण, जलद तपास आणि मुद्देमाल हस्तगत करण्यात वणी पोलीस स्टेशनने २०२५ मध्ये प्रभावी कामगिरी केल्याचे या आकडेवारीवरून स्पष्ट होते.
