सिटी हब मिडिया वणी…
वणी येथील नृसिंह व्यायाम शाळेच्या प्रांगणात क्रीडाप्रेमींसाठी मोठी पर्वणी ठरणारी भव्य कबड्डी स्पर्धा आयोजित करण्यात आली असून ही स्पर्धा १६ जानेवारीपासून सुरू होणार आहे. नृसिंह व्यायाम शाळेद्वारे संचालित नृसिंह स्पोर्टिंग क्लब वणी यांच्या पुढाकारातून या स्पर्धेचे आयोजन करण्यात आले आहे.
स्पर्धेच्या उद्घाटनप्रसंगी विजय चोरडिया (जिल्हा संघटक, शिवसेना – शिंदे गट) हे उद्घाटक म्हणून उपस्थित राहणार असून कार्यक्रमाच्या अध्यक्षस्थानी संजय खाडे (संचालक, कापूस उत्पादन पणन महासंघ, महाराष्ट्र) हे असतील.
या वेळी प्रमुख अतिथी म्हणून कुणाल चोरडिया (युवा सेना – शिंदे), प्रमोद इंगोले (अध्यक्ष, नृसिंह व्यायाम शाळा वणी), प्रमोद निकोरे (अध्यक्ष, शिवाजी व्यायाम शाळा वणी), अंकुश बोढे (जिल्हा उपाध्यक्ष, भाजप), सैफुर रहमान (नगरसेवक), अनिल आक्केवार (सचिव, केशव नागरी पतसंस्था वणी), प्रविण झाडे (तालुकाध्यक्ष, सरपंच संघटना वणी), विजय गाडगे (संचालक, संजय ऑटोमोबाईल्स वणी), शंकर झिलपे (संचालक, हायवे किंग फॅमिली रेस्टॉरंट, वाघदरा), गुलाम रसूल रंगरेज (नगरसेवक वणी), जितेंद्र डाबरे (संचालक, नृसिंह मेडिकल वणी), संजय पावडे (संचालक, लक्ष्मी कृषी केंद्र वणी), सागर पोटे (संचालक, हॉटेल मैफिल वणी) व फारुख चिनी (संचालक, सेव्हन स्टार बेकरी वणी) यांची उपस्थिती राहणार आहे.
ही कबड्डी स्पर्धा ५६ किलो वजन गटात खेळविण्यात येणार असून विजेत्यांसाठी आकर्षक बक्षिसांची घोषणा करण्यात आली आहे.
प्रथम क्रमांक: ₹20,001 व चषक
द्वितीय क्रमांक: ₹15,001 व चषक
तृतीय क्रमांक: ₹10,001 व चषक
चतुर्थ क्रमांक: ₹7,001 व चषक
यासोबतच उत्कृष्ट चढाई, उत्कृष्ट क्षेत्ररक्षक व उत्कृष्ट अष्टपैलू खेळाडू यांना प्रत्येकी ₹2,100 व चषक देण्यात येणार आहे. तसेच श्री गजानन स्पोर्ट्स तर्फे बाद फेरीतील उत्कृष्ट खेळाडूस विशेष चषक प्रदान करण्यात येणार आहे.
या स्पर्धेचे आणखी एक विशेष आकर्षण म्हणजे महिला कबड्डी संघांचा सहभाग. उद्घाटन समारंभात महिलांचे लक्षवेधी सामने होणार असून त्यामध्ये नृसिंह स्पोर्टिंग क्लब वणीच्या राष्ट्रस्तरीय (सब-ज्युनिअर) खेळाडू गौरी पिदुरकर तसेच राज्यस्तरीय खेळाडू श्रद्धा देशमुख व जान्हवी ठाकरे यांचा समावेश असणार आहे. महिला संघासाठी आम्रपाली रेस्टॉरंटकडून चषक व पदके देण्यात येणार आहेत.
स्पर्धेच्या यशस्वी आयोजनासाठी मंडळाचे अध्यक्ष कुणाल ठोंबरे, कार्याध्यक्ष गोविंदा मुजगेवार, उपाध्यक्ष अनिकेत वाढई, सचिव ब्रिजेश निंदेकर, कोषाध्यक्ष रोहित ठोंबरे तसेच सर्व सदस्य परिश्रम घेत आहेत.
स्पर्धेत सहभागी होऊ इच्छिणाऱ्या संघांनी
📞 कुणाल ठोंबरे – ९९२१८४२११७
📞 ब्रिजेश निंदेकर – ९०२८४९७९१९
या क्रमांकांवर संपर्क साधावा, असे आवाहन आयोजकांनी केले आहे.
