सिटी हब मिडिया वणी…
‘मम्मी स्पेशल’ सांस्कृतिक स्पर्धांनी जिंकली उपस्थितांची मने; कर्तबगार महिलांचा गौरव…
“स्त्री हीच खऱ्या अर्थाने समाजाचा कणा आहे,” हा संदेश अधोरेखित करत सुतार समाज महिला मंच, वणी च्या वतीने जागतिक महिला दिन मोठ्या उत्साहात साजरा करण्यात आला. मंगळवार, १० मार्च रोजी स्थानिक सुतारपुरा येथील महादेव मंदिर परिसरात आयोजित या सोहळ्यात महिलांचा सत्कार, प्रबोधनपर व्याख्यान आणि बहारदार सांस्कृतिक कार्यक्रमांची मेजवानी पाहायला मिळाली.
मान्यवरांची उपस्थिती आणि मार्गदर्शन…
कार्यक्रमाच्या अध्यक्षस्थानी यवतमाळ जिल्हा काँग्रेस कमिटीच्या महिला अध्यक्षा वंदनाताई पुरुषोत्तम आवारी होत्या. प्रमुख पाहुण्या म्हणून मुख्य क्षेत्रीय अधिकारी (TDRF) कु. मुस्कान ज. सैय्यद यांची उपस्थिती लाभली.
यावेळी आरोग्याच्या दृष्टीने अत्यंत महत्त्वाच्या असलेल्या “स्वयंप्रतिकारक रोगाशी लढताना” या विषयावर वैद्य सुवर्णा चरपे (श्री विश्व योग आयुर्वेद व पंचकर्म उपचार केंद्र) यांनी मार्गदर्शन केले. धावपळीच्या जीवनात महिलांनी स्वतःच्या प्रकृतीकडे कसे लक्ष द्यावे, याचे मोलाचे सल्ले त्यांनी यावेळी दिले.
कर्तबगार महिलांचा सन्मान…
समाजातील विविध क्षेत्रात ठसा उमटवणाऱ्या महिलांचा यावेळी मान्यवरांच्या हस्ते गौरव करण्यात आला. यामध्ये माथोली गट ग्रामपंचायत सदस्य व सामाजिक कार्यकर्त्या अॅड. कु. प्रतीक्षा अरुण देऊळकर, नगरसेविका आरतीताई गिरीश वांढरे आणि अर्चनाताई शंकरराव झिलपे यांच्यासह समाजातील इतर कर्तबगार महिलांचा सन्मानचिन्ह देऊन सत्कार करण्यात आला.
‘मम्मी स्पेशल’ ठरले आकर्षणाचे केंद्र…
दुपारच्या सत्रात स्नेहभोजनानंतर सायंकाळी सांस्कृतिक कार्यक्रमांची रंगत वाढली. विशेषतः “मम्मी स्पेशल” या संकल्पनेवर आधारित नृत्य व वेशभूषा स्पर्धेने सर्वांचे लक्ष वेधून घेतले. समाजातील महिलांनी एकल नृत्य, सामूहिक नृत्य आणि नाटिकांमधून आपल्या सुप्त कलागुणांचे दर्शन घडवत उपस्थितांची दाद मिळवली. कार्यक्रमाचे सुबक सूत्रसंचालन संगीता लांडे यांनी केले.
नियोजनासाठी मंचाचा पुढाकार…
हा सोहळा यशस्वी करण्यासाठी सुतार समाज महिला मंचच्या अध्यक्षा मंगलाताई प. झिलपे, उपाध्यक्ष शारदाताई वि. झिलपे, सचिव जयश्रीताई धि. अंड्रस्कर, कोषाध्यक्ष संगीताताई न. मुरस्कर, कार्याध्यक्ष संगीताताई ह. झिलपे, आणि सहसचिव पुष्पाताई सं. वनकर यांनी पुढाकार घेतला.
यासोबतच संध्या झिलपे, रत्नाताई अंड्रस्कर, शिवाणी बुरडकर, वेणुताई झोडे, पुनमताई झिलपे, प्राचीताई नवघरे, मिनाताई झिलपे, संगिताताई राखुंडे, बेबीताई साखरकर, सोनिका साखरकर, प्रिया झिलपे, शुभांगी निवलकर, कोमल झिलपे, तेजस्वीनी राखुंडे, नाजुका राखंडे, सोनाली झिलपे, किरण बुरडकर, आचल वांढरे, कविता अंड्रस्कर, उषाताई झिलपे, दुर्गा झिलपे, खुशबु झिलपे, ज्योती झिलपे, कविता झिलपे, शालीनी झिलपे, वर्षा झिलपे, प्रतिभा मुरस्कर आणि प्रेमिला निवलकर यांच्यासह समाजातील असंख्य महिलांनी परिश्रम घेतले.
