HomeAgroआरोग्य मंत्री दौरा करणार तरीही आयुक्तांचे आदेश कागदावरच की प्रशासनाला कशाचीच भीती...

आरोग्य मंत्री दौरा करणार तरीही आयुक्तांचे आदेश कागदावरच की प्रशासनाला कशाचीच भीती नाही? कायर आरोग्य केंद्राचा कारभार कधी सुधारणार?

-

[gtranslate]

Advertisementspot_img

सुनिल तुगनायत, सिटी हब मिडिया वणी…

एखाद्या सरकारी दवाखान्यात उपचाराअभावी महिलेचा जीव जातो, त्यानंतर थेट मंत्रालयापर्यंत पाठपुरावा करून आरोग्य विभागाचे आयुक्त सुधारणेचे सक्त आदेश देतात… तरीही प्रत्यक्षात त्या दवाखान्यात एका पैशाचाही फरक पडत नसेल, तर याला काय म्हणायचे? वणी तालुक्यातील कायर प्राथमिक आरोग्य केंद्राची आजची अवस्था पाहता, “वरिष्ठांचे आदेश फक्त कागदावरच राहतात आणि स्थानिक प्रशासन अजूनही गाढ झोपेत आहे,” हेच कटू सत्य समोर येत आहे.

एक जिद्दी लढा आणि शासनाचे आदेश…

कायर प्राथमिक आरोग्य केंद्रात ६ सप्टेंबर २०२४ रोजी सोनाली लोडे यांचा उपचारादरम्यान दुर्दैवी मृत्यू झाला होता. या घटनेनंतर पुरड येथील सुभाष लोडे यांनी कोणत्याही पुढाऱ्याचा आधार न घेता थेट मंत्रालयापर्यंत एकट्याने लढा दिला. त्यांच्या अविरत पाठपुराव्यामुळे आरोग्य संचालक कार्यालयाने चार सदस्यांची चौकशी समिती नेमली. या समितीच्या अहवालानंतर राष्ट्रीय आरोग्य अभियानाचे आयुक्त संजय काटकर यांनी जिल्हा परिषदेला स्पष्ट आदेश दिले होते की, रुग्णवाहिकेवर तातडीने चालक नेमा, ऑक्सिजन व औषधांचा साठा ठेवा, सफाई कामगाराची भरती करा आणि पुरड उपकेंद्रासाठी नवीन इमारत बांधा. एक सामान्य माणूस जिद्दीने व्यवस्था बदलू शकतो, असा विश्वास या आदेशामुळे निर्माण झाला होता.  

मात्र प्रत्यक्षात ‘आंधळं दळतं आणि कुत्रं पीठ खातं’ अशी अवस्था!

दुर्दैवाने, हे आदेश निघूनही कायर आरोग्य केंद्राचा कारभार सुधारण्याऐवजी अधिकच खालावला असल्याचे धक्कादायक चित्र १९ नोव्हेंबर रोजी झालेल्या पाहणीत समोर आले आहे. आरोग्य मंत्र्यांच्या संभाव्य दौऱ्यापूर्वी पाहणी पथक आले असता, इथल्या भोंगळ कारभाराचे जे फोटो समोर आले आहेत, ते कोणाच्याही अंगावर काटा आणणारे आहेत:  

स्वच्छतेचा बोजवारा: डिलिव्हरी बेडवर न पुसलेले रक्ताचे डाग तसेच पडून आहेत, तर बेडशीटवर पालीची विष्ठा आणि उंदरांनी कुरतडलेले छिद्र दिसत आहेत. शौचालये इतकी घाणेरडी आहेत की तिथे पाय ठेवणेही कठीण आहे.  पिण्याच्या पाण्याशी खेळ: ज्या टाकीतून रुग्ण आणि स्टाफ पाणी वापरतात, त्याच स्टोरेज टाकीवर फरशी पुसायचे फिनाईलचे मॉप ठेवलेले आढळले आहेत. हा थेट विषबाधेला निमंत्रण देण्याचा प्रकार आहे.  

दप्तर दिरंगाई आणि स्टाफचा अभाव: पाहणी पथकाने औषध साठ्याचे रजिस्टर मागितले तर इथे फार्मासिस्टच नसल्याचे सांगण्यात आले, आणि आवक-जावक रजिस्टर चक्क लॉकरमध्ये बंद ठेवून लपवण्यात आले.  

सुरक्षा आणि अतिक्रमण: दारू पिऊन येणाऱ्यांच्या त्रासामुळे चांगले डॉक्टर इथे टिकत नाहीत, तरीही सुरक्षा रक्षक नेमला गेलेला नाही. दवाखान्याच्या गेटवर दुकानांचे अतिक्रमण झाले असून आत गुरेढोरे मोकाट फिरत आहेत. 

मूळ प्रश्न: नेमकं पाणी कुठे मुरतंय?

एका बाजूला ‘स्मार्ट पीएचसी’च्या नावाखाली लाखो रुपयांचे नवे बांधकाम केले जात आहे, पण दुसऱ्या बाजूला रुग्णांना साधी स्वच्छ चादर, वेळेवर औषध आणि सफाई कामगारही मिळत नसेल, तर या इमारतींचा उपयोग काय? असा प्रश्न गावकरी विचारत आहेत.  

आयुक्तांनी लेखी आदेश देऊनही जर स्थानिक अधिकारी आणि कर्मचारी सुधारत नसतील, तर या निष्काळजीपणाला अभय कोणाचे आहे? सुभाष लोडे यांच्यासारख्या सामान्य नागरिकाने जिद्दीने लढून शासनाकडून आदेश आणले, पण त्या आदेशांची अंमलबजावणी करण्याची जबाबदारी असलेली यंत्रणाच जर ढिम्म असेल, तर गरिबांच्या जीवाशी सुरू असलेला हा खेळ कधी थांबणार? आता तरी वरिष्ठ अधिकाऱ्यांनी केवळ कागदी घोडे न नाचवता, दोषींवर थेट निलंबनाची कारवाई करावी आणि कायर आरोग्य केंद्राला खऱ्या अर्थाने ‘आरोग्यदायी’ बनवावे, हीच सर्वसामान्य जनतेची अपेक्षा आहे.

Advertisementspot_img

youtube व्हिडिओस

Video thumbnail
वणीत २३ नोव्हेंबरला ‘श्री वैकुण्ठ महोत्सव’; महाअभिषेक, दीपोत्सव आणि छप्पन भोगाचे आयोजन…
02:45
Video thumbnail
शास्त्रीनगर वणी येथील संतोषी माता, ३८ वर्षांची परंपरा...
02:26
Video thumbnail
उकणीत भूमिपुत्रांचा एल्गार!परप्रांतीयांना प्राधान्य का? संजय खाडे यांच्या समर्थनाने प्रशासन नरमले...
07:20
Video thumbnail
वणीत दुष्काळात तेरावा महिना जागोजागी पाण्याचे लिकेज,रोज हजारो लीटर पाण्याची नासाडी…
01:19
Video thumbnail
भालर रोड वर कारचा अपघात,सुदैवाने जीवितहानी नाही…
01:18
Video thumbnail
वणी- राजूर रिंग रोडवर ग्रामस्थांचा रास्ता रोको;अधिकाऱ्यांच्या आश्वासनानंतर आंदोलन तात्पुरते स्थगित.
03:11
Video thumbnail
लालपुलिया संघर्ष समितीचे चिखलगाव ग्रामपंचायतीवर गंभीर आरोप…
05:33
Video thumbnail
लालपुलिया कोल डेपो वर फक्त आश्वासनच मिळणार की कारवाई ही होणार???
02:48
Video thumbnail
निर्गुडानदी कोरडी पडल्याने रब्बी पिके व पशुधन धोक्यात;नवरगाव धरणाचे पाणी सोडा विजय पिदुरकरांची मागणी
02:01
Video thumbnail
अमरावती शिक्षक मतदारसंघात दिलीप कडूंचा विजय १००% निश्चित — आमदार सुधाकर अडबाले...
06:56
Video thumbnail
एक एक रूपया जमा करून करण्यात आला जैताई मंदिराचा जीर्णोद्धार...
02:36
Video thumbnail
जय माता दी,वणीची जागृत जैताई माता,मूर्तीचं रहस्य काय आहे? बघा सविस्तर माहिती या वीडियो मध्ये…
02:33
Video thumbnail
भारत के इस पायलट की बहादुरी को दुनिया कर रही सलाम...
02:11
Video thumbnail
ओटीपी मागून सिलेंडरचा काळाबाजार??!
02:16
Video thumbnail
Happy Birthday Modiji,लेकिन कुशल उपदेश बहुतेरे…
01:30
Video thumbnail
गणपती बाप्पा मोरया,जय भवानी जय शिवाजी…चेतनआगलावे यांच्या घरी पावनखिंडीतील लढाईंचा प्रेरणादायी देखावा
02:35
Video thumbnail
गणपती बाप्पा मोरया ,वणीतील नृत्य शिक्षक विकास घाटोळे यांच्या घरी सुंदर सजावट…
02:20
Video thumbnail
जय श्री कृष्ण जन्माष्टमी स्पेशल ,वणीतील सर्वात जुने कृष्ण मंदिर, डॉ तुगनायत यांच्या दवाखान्याजवळ वणी
02:02
Video thumbnail
वणी में गूंजा इंसानियत और भाईचारे का संदेश, सूफी संत ने कहा—“मजहब से पहले इंसानियत जरूरी”
04:39
Video thumbnail
धक्कादायक! वर्ग सुरू असताना शाळेची भिंत कोसळली,चिमुकल्यांचा जीव धोक्यात, प्रशासनाचे दुर्लक्ष?
07:06
Advertisementspot_img

Stay Connected

0FansLike
25,000FollowersFollow
0FollowersFollow
13,000SubscribersSubscribe
Advertisementspot_img

यह भी पढ़िए