प्रभाग क्रमांक १ मध्ये कैलाश बोबडे यांना वाढतं जनसमर्थन; विश्वास नांदेकर व विजय चोरडिया यांच्या प्रभावामुळे प्रचाराला वेग…
प्रभाग क्रमांक एकमध्ये शिवसेनेचे उमेदवार कैलाश बोबडे हे सध्या प्रचंड चर्चेत असून त्यांच्या प्रचाराला दिवसेंदिवस गती मिळत आहे. “आश्वासन देत नाही… ते पूर्ण करतो,” हा थेट आणि स्पष्ट संदेश देत ते मतदारांच्या मनात विश्वास निर्माण करत आहेत.
कैलाश बोबडे केटरिंग व्यवसायात काम करतात आणि त्यामुळे स्थानिकांशी त्यांचा कायमचा संपर्क कायम राहिला आहे. लहान मुलांपासून ते ज्येष्ठांपर्यंत सर्वच वयोगटांमध्ये त्यांची ओळख आणि विश्वासाचे नाते निर्माण झाले आहे. प्रभागातील विविध समस्या प्रत्यक्ष पाहत त्या सोडवण्यासाठी त्यांनी उचललेल्या पावलांमुळे मतदारांमध्ये त्यांच्या कामाबद्दल सकारात्मक भावना आहे.
मागील नगरसेवकांनी फक्त आपल्या घराच्या शंभर मीटर परिसरातच विकासाची कामे केंद्रित ठेवून उर्वरित प्रभागाला दुय्यम ठरवल्याचा आरोप सध्या मतदारांमध्ये मोठ्या प्रमाणात चर्चेत आहे. नाले बांधणी, बगीचा निर्मिती अशा काही निवडक कामांपुरताच विकास थांबला, अशी नाराजी नागरिकांनी वारंवार व्यक्त केली आहे.
याउलट, कैलाश बोबडे स्पष्टपणे आश्वासन देतात —
“मी निवडून आलो तर प्रत्येक नागरिकाचा प्रश्न हा माझा प्राधान्यक्रम असेल. प्रभागातील कोणावरही अन्याय होऊ देणार नाही.”
विश्वास नांदेकरांचे नेतृत्व आणि जनाधार बोबडेंना मिळतोय थेट फायदा
हा प्रभाग माजी आमदार व शिवसेनेचे नेते विश्वास नांदेकर यांचाही असल्याने त्यांचा प्रभाव बोबडेंच्या प्रचाराला अधिक बळ देतो आहे. विश्वास नांदेकर यांचा जनतेशी थेट संपर्क, प्रभागातील लोकांमध्ये असलेली त्यांची लोकप्रियता आणि सक्रियता यामुळे मोठा जनाधार थेट बोबडे यांच्या बाजूला वळताना दिसत आहे.
विजय चोरडिया यांची संघटनशक्ती ठळक; घराघरात पोहोचतंय शिवसेनेचं संदेश
याशिवाय संघटन मंत्री विजय चोरडिया यांनीही गेल्या काही दिवसांत घराघरात जाऊन प्रचाराच्या मोहीमेची मोठी धुरा सांभाळली आहे. त्यांनी संघटना मजबूत करत प्रत्येक कार्यकर्त्याला सक्रिय केले असून त्याचा थेट फायदा बोबडे यांच्या प्रचाराला होत आहे. विजय चोरडिया यांच्या मेहनतीमुळे प्रभागात शिवसेनेची संघटनशक्ती अधिक बळकट झाली आहे.
प्रभागात बदलाची लाट; बोबडे मजबूत आघाडीवर
धडाडीचे, सहज उपलब्ध आणि जनतेच्या प्रश्नांशी भावनिक नाळ जपणारे नेतृत्व म्हणून कैलाश बोबडे प्रभाग क्रमांक एकमध्ये अधिकाधिक लोकांना आपल्याकडे आकर्षित करत आहेत. प्रचारात त्यांच्या समर्थनाची लाट वाढत असून वातावरण स्पष्टपणे त्यांच्या बाजूने झुकताना दिसते.
येणाऱ्या दोन तारखेला ईव्हीएममध्ये नेमका कोणता निर्णय उमटेल ते मतदारच ठरवतील; परंतु सध्याच्या परिस्थितीमध्ये कैलाश बोबडे प्रभाग क्रमांक एकमधून अग्रस्थानी असल्याचे स्पष्ट संकेत दिसत आहेत.
तीन डिसेंबरच्या निकालात विजय मिळेल,
असा त्यांना ठाम आत्मविश्वास आहे.
