सिटी हब मिडिया वणी…
भाजपचे निष्ठावान कार्यकर्ते सत्यजित ठाकूरवार यांचा आज वाढदिवस…
भारतीय जनता पक्षाचे निष्ठावान व प्रामाणिक कार्यकर्ते तसेच दिप्ती सिनेक्सचे संचालक सत्यजित ठाकूरवार यांचा आज वाढदिवस साजरा होत आहे. या निमित्ताने सिटी हब मीडिया तर्फे त्यांना वाढदिवसाच्या हार्दिक शुभेच्छा देण्यात आल्या.
सत्यजित ठाकूरवार हे माजी आमदार संजीव रेड्डी बोदकुरवार यांचे निकटवर्तीय म्हणून ओळखले जातात. त्यांनी गेल्या अनेक वर्षांपासून भाजपशी आपली निष्ठा कायम ठेवत पक्षाच्या प्रत्येक उपक्रमात सक्रिय सहभाग नोंदवला आहे. भाजपचे निष्ठावान व इमानदार कार्यकर्ते अशी त्यांची वणी शहरात ठळक ओळख आहे. सध्या त्यांच्यावर भाजप शहर उपाध्यक्षपदाची महत्त्वाची जबाबदारी सोपवण्यात आलेली आहे.
नुकत्याच पार पडलेल्या नगरपालिका निवडणुकीदरम्यान त्यांनी माजी आमदार संजीव रेड्डी बोदकुरवार यांच्यासोबत संपूर्ण परिसरात व्यापक जनसंपर्क साधत प्रचारात मोलाची भूमिका बजावली. पायाला भिंगरी लागल्यासारखे ते सतत मैदानात राहून पक्षाचा विचार घराघरात पोहोचवत होते. भाजपच्या विजयामध्ये त्यांनी दिलेले योगदान लक्षणीय ठरले आहे.
राजकारणासोबतच व्यवसायातही यशस्वी वाटचाल करणारे सत्यजित ठाकूरवार हे व्यवसाय व समाजकारणाची योग्य सांगड घालणारे व्यक्तिमत्त्व म्हणून ओळखले जातात. वणी शहरात दिप्ती सिनेक्सच्या माध्यमातून त्यांनी मल्टिप्लेक्स संस्कृतीची ओळख करून दिली. येथे नेहमीच दर्जेदार व नव्या चित्रपटांचे प्रदर्शन होत असून, प्रेक्षकांचा उत्स्फूर्त प्रतिसाद मिळत आहे.
पक्षाला जेव्हा-जेव्हा गरज भासते, तेव्हा कोणताही विचार न करता कार्यकर्ता म्हणून तत्काळ हजर राहणे, हीच त्यांची कार्यशैली आहे. त्यांच्या वाढदिवसानिमित्त राजकीय, सामाजिक व व्यावसायिक क्षेत्रातून त्यांच्यावर शुभेच्छांचा वर्षाव होत असून, सिटी हब मीडिया तर्फे त्यांना पुढील सामाजिक, राजकीय व व्यावसायिक वाटचालीसाठी मनःपूर्वक शुभेच्छा देण्यात येत आहेत.
