वणी शहरात घडलेल्या एका खळबळजनक हत्याकांडाचा छडा वणी पोलिसांनी अवघ्या काही तासांत लावला आहे. तपासात अनैतिक संबंधातून ही हत्या झाल्याचे निष्पन्न झाले असून, पोलिसांनी दोन आरोपींना अटक केली आहे.
दि. २३ ऑक्टोबर २०२५ रोजी सायंकाळी ४ वाजताच्या सुमारास मृतक स्वप्नील किशोर राऊत (वय २६, व्यवसाय – मजुरी, रा. रंगनाथनगर, वणी) याला एका अज्ञात व्यक्तीचा फोन आला.
ठेकेदाराकडून पैसे आणायचे असल्याचे सांगून तो घरातून बाहेर पडला.
सायंकाळी ६ वाजता पत्नीशी शेवटचा फोन संपर्क झाला, मात्र रात्री ८ वाजल्यापासून त्याचा मोबाईल बंद होता.
दि. २४ ऑक्टोबर रोजी सकाळी कुटुंबीयांनी शोध घेतला असता, सायंकाळी गजानन नगरी परिसरात गळा व डोक्याला गंभीर मार लागलेल्या अवस्थेत मृतदेह आढळून आला.
फिर्यादी चेतन किशोर राऊत (मृतकाचा मोठा भाऊ) यांनी वणी पोलीस ठाण्यात तक्रार दाखल केली.
👮♂️ पोलिसांची तत्पर कारवाई :
फिर्यादीच्या जबानीवरून वणी पोलिसांनी तात्काळ गु.र.नं. ६८२/२०२५, कलम १०३(१) भा.न्या.सं. (BNS) अंतर्गत गुन्हा नोंदविला.
मा. उपविभागीय पोलीस अधिकारी, वणी यांच्या मार्गदर्शनाखाली आणि पोलीस निरीक्षक श्री. गोपाल उंबरकर यांच्या आदेशाने वणी पोलीस व स्थानिक गुन्हे शाखेने संयुक्त तपास सुरू केला.
तपास पथक:
पो.उप.नि. सुदाम आसोरे, पोलीस अंमलदार श्याम (ब.नं.४११), नंदकुमार (९९३), मानेश्वर (१३६३), गजानन (१३०९), गणेश (३९८) तसेच स्थानिक गुन्हे शाखा वणीचे अधिकारी.
🔍 तपास आणि तांत्रिक पुरावे :
सीसीटीव्ही फुटेज व तांत्रिक तपासाद्वारे मृतकाच्या शेवटच्या हालचालींचा मागोवा घेण्यात आला.
मृतक दि. २३ ऑक्टोबर रोजी दुपारी ४:३५ वाजता लाल रंगाच्या पॅशन प्रो (MH ३४ Z ५८१३) या दुचाकीवर दोन व्यक्तीं सोबत दिसला होता.
त्या दिशेने तपास पुढे नेऊन पोलिसांनी आरोपींपर्यंत पोहोचले.
आरोपींची माहिती व हत्येचे कारण :
अटक आरोपी :
सुमेश रमेश टेकाम (वय २४, रा. वडजापूर, ता. वणी)
सौरभ मारोती आत्रम (वय २७, रा. वडजापूर, ता. वणी)
दोघांच्या चौकशीतून समोर आले की, अनैतिक संबंधाच्या कारणातून झालेल्या वादातून स्वप्नीलची हत्या करण्यात आली.
वणी पोलिसांनी अत्यंत वेगाने आणि कौशल्याने या गंभीर गुन्ह्याची उकल केली आहे.
स पो.उप.नि. सुदाम आसोरे, पोलीस स्टेशन वणी करीत आहेत.
